भांगरभूंय | प्रतिनिधी
वास्को : सांकवाळेच्या सेंट जॅसिंटो बेट वाठारांत दोन गाडयां मदीं अपघात जालो. हातूंत एके गाडयेन आडकल्ल्या चालकाक वास्को आनी वेर्णा उजो पालोवपी दळान भायर काडलो.
किया गाडी वास्कोच्यान कुठ्ठाळे वताली. सेंट जॅसिंटो बेट वाठारांत पावली तेन्ना तिणें मुखारच्यान येवपी गाडयेक धपको दिलो. हो धपको बरोच नेटान बसलो. हातूंत गाडयेच्या फुडल्या भागाचें बरेंच लुकसाण जालें. अपघातांत एके गाडयेंत आडकल्ल्या चालकाक वेर्णा आनी वास्को उजो पालोवपी दळान येवन भायर काडले. उपरांत उपचारा खातीर १०८ ऍम्बुलन्सींतल्यान हॉस्पिटलांत व्हेलो. ह्या अपघाता विशीं पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
