भांगरभूंय | प्रतिनिधी
सदानंद शेट तानावडे : मडगांवां विद्यार्थ्यांचो भोवमान सुवाळो
भांगरभूंय । प्रतिनिधी
फोंडें : आयज गोंयांतल्या सहकार मळाक एक घटसाण मेळ्ळ्या. सहकार मळाची ही उदरगत अशीच वाडत रावतली. मात ते खातीर निसुवार्थी आनी सेवाभावी वृत्तीन काम करपी मनीस सहकार मळार येत रावपाक जाय, अशें राज्यसभा खासदार सदानंद शेट तानावडे हांणी सांगलें.
राष्ट्रीय सहकार सप्तकाच्या निमतान दक्षीण गोंय जिल्हो मडगांव स्कूल कॉम्प्लेक्स सहकारी पतसंस्थेन आयोजीत केल्ल्या विद्यार्थी भोवमान सुवाळ्यांत तानावडे उलयताले. ह्या वेळार माचयेर एनआरआय आयुक्त आनी आदले खासदार नरेंद्र सावयकार, संस्थेचे अध्यक्ष बाबाजी सावंत, डॉ. गुणाजी देसाय हाजीर आशिल्ले.
विद्यार्थ्यांक मार्गदर्शन करतना तानावडे हांणी सांगलें, तुमकां व्हड करपाक पालकांचे आनी तुमच्या शिक्षकांचें व्हड योगदान आसा. जिणेंत तुमचें बरें जावचें म्हूण यत्न करपी तुमच्या शिक्षकांक सदांच मान दियात. व्हड जाले उपरांत आवय बापायक वृद्धाश्रमांक धाडचे बदला तांची जतनाय घेयात. बरे गूण घेतिल्ल्या विद्यार्थ्यांचे भोवमान सुवाळे संस्थांनी आयोजीत करपाक जाय. जे वरवीं हेर विद्यार्थ्यांक तांचे पसून प्रेरणा मेळटली, अशेंय तांणी सांगलें.
नरेंद्र सावयकार हांणी सांगलें, सहकाराची ताक आमकां कोरोनाच्या काळांत कळ्ळी. त्या वेलार एके वटेन संवसाराची अर्थीक वेवस्था हालिल्ली मात भारताची अर्थवेवस्था मात सहकाराच्या बळग्यार वाडत आशिल्ली. दरेकल्यान ही बचतीची संवय लावन घेवपाक शिकपाक जाय. जे वरवीं देशाचे अर्थवेवस्थेंत तुमचो पयसो घटसाम दीत रावतलो. फुडारांत कितलींय अर्थीक संकश्टां आयलीं तरीय ही बचत देशाक थिराय मेळोवन दीत रावतली.
उच्च शिक्षण घेवपाची आपली भूक केन्नाच उणी जावपाक दीव नाकात. ऑनलायन शिक्षणाच्या माध्यमांतल्यान आयज संवसारभरांतली विद्यापिठां तुमची वाट पळयता. हुशार विद्यार्थ्यांचो देश म्हूण आयज भारता कडेन पळयतात. हो अभिमान असोच फुडें चालू उरचे खातीर मेहनत करात, अशेंय सावयकार हांणी सांगलें.
बाबाजी सावंत हांणी येवकार दिलो. डॉ. गुणाजी देसाय हांणी प्रास्तावीक आनी सोयऱ्यांची वळख करून दिली. ह्या सुवाळ्यांत पालकां सयत भोवमान केल्ले विद्यार्थी फुडें दिल्ले प्रमाण. कनुप्रिया प्रकाश नायक, सिद्धी संजय मावळणकार, स्वरा समीर नायक, रहीन मोहम्मद रसूल मुल्ला, ओम राघोबा शेट शिरोडकार, विजय विशांत केळकार, सार्थक सिद्धार्थ नायक, तनिष्का सदानंद गांवकार, श्रीनिवास जीवोत्तम भट, आदर्श शिवदास नायक, अमन शंभू प्रजापती, भार्गवी मोहन खेडेकार, प्रशांत कुमार मिश्रा, वीणा उमेश नायक, समीक्षा विजय झिंझाडे, हर्षल प्रेमानंद गांवकार, मंदार महारुद्र, दीपिका दिलीप गावडे, दिया थानाचिरा, वैष्णवी नायक, रक्षा संजीव गावडे, सिमरन गॅब्रिएल मास्कारेन्हास, जेहोवा झेवियर रॉड्रिग्ज, श्रुती सुरेश बलवे, संस्कृती सुबोध ढवळीकार, चांदणी बुद्धप्रकाश दोहारे, पूर्वी विनायक शेट, सानवी दुर्गादास नायक, उगम दिलीप वर, सावंत संजना राजेंद्र, शबनम बाबूलाल शेख, निखील कुमार गौतम, प्रज्योत पिळगांवकार, रिया दिनेश नायक, व्हॅलेन शीनन अँताव, पुष्कर उमेश नायक, आर्यन अमित शेणवी कुंकळीकार, तन्मय नितीन मुरगांवकार, भारती बरगडे, सानवी सदानंद गांवकार, सुयशा सर्वानंद अभिषेकी, मानव जया गांवकार, शर्वरी योगेश बोरकार, सात्विक सागर शिरसाट, खुशी चौरसिया, वेदांत तुकाराम देसाय, परियता विवेक बोरकार, प्राची सुरेश पटेल, कामाक्षी उर्फ भूमी रामदास नायक पर्वतकार, अवनी राधाकृष्ण कामत, पूर्वा प्रसाद प्रभू वेळगेकार, रुकिया अब्दुल कादर सत्केहल, पूजा मोहनलाल बिश्नोई, पुजिथा रमणैया कोठा, रिया आनंद नायक, इम्रान सिकंदर शेख, भाविका मोहन खेडेकार, भावेश विश्वजित खांडोलकार, कनिष्क कालिदास नायक, सृष्टी सुरेश नायक, दीपा बसवराज बिडीकर, अयान कमलसाब गुमानल्ली, संचिता रामदास नायक, श्रुती विष्णू कांबळे, जान्हवी गोकुळदास गांवकार, मैथिली अनिल गांवकार, शॉन अॅडम फर्नांडीस, आशाकुमारी सिंह, प्रजय राजेश गांवकार, शबानाज शेख, रफीक मुस्कान, कुमारी उदयचंद्र भारती, द्विती दीपक बाडकर, तीर्थ नारायण नायक, ग्वेनेथ मार्सिया गोडिन्हो, गौरी विलास गांवकार, आदित्य रघुनाथ नायर, साक्षी सोमनाथ मांद्रेंकार, सुमन बलीराम ढबाळे, अथर्व उमांकत गावडे, श्रेया अनिल शेट, साधना रामदास नायक, उर्वी शबिनाथ शेट तळावलीकार, गौरव दास आनी अर्पिता प्रवीण गांवकार.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
