भांगरभूंय | प्रतिनिधी
नवी दिल्ली, खबरां संस्था: सर्वोच्च न्यायालयाच्या न्यायमुर्तींनी १ एप्रीलाक ‘फुल कोर्ट मिटींग’त दरेकल्याची संपत्ती जाहीर करपाचो निर्णय घेतिल्लो. ते प्रमाण सोमारा ५ तारखेर रातचें सर्वोच्च न्यायालयाचे वेबसायटीचेर न्यायालयांतल्या सगल्या न्यायमुर्तींची संपत्त जाहीर केली. तातूंत देशाचे सरन्यायाधीश संजीव खन्ना हांचे पसून सर्वोच्च न्यायालयांतल्या ३३ मदल्या २१ न्यायमर्तींचे संपत्तीची वळेरी दिली. ते प्रमाण न्यायमुर्तीच्या नांवान कितली रक्कम आनी मालमत्ता आसा, हाची म्हायती हे वळेरेंत दिल्या.
न्या. संजीव खन्ना हांची संपत कितली?
सर्वोच्च न्यायालयाचे वेबसायटीचेर दिल्ले म्हायती प्रमाण सरन्यायाधीश संजीव खन्ना हांच्या नांवार बँकेंत ५५ लाख ७५ हजार रुपयांचें फिक्स्ड डिपॉझीट आनी १ कोटी ६ लाख रुपयांचो पीपीएफ आसा. तशेंच, सरन्यायाधीश खन्ना हांच्या नांवान दक्षीण दिल्लींत २ बीएचके डीडीए फ्लॅट आशिल्ल्यान कॉमनवेल्थ गेमस् व्हिलेजींत तांचे चलये सयत जोड हक्क आशिल्ल्या फ्लॅटांत तांच्या नांवान ५६ टक्के वाटो आसा. हिमाचल प्रदेशांत तांची घरची जमीनूय तांच्या नांवार आसा.
येवपी सरन्यायाधीशांची संपत कितली?
हे वळेरेंत येवपी कांय दिसांनी म्हळ्यार १४ मेक सरन्यायाधीर पद स्विकारपी न्यायमुर्ती बी. आर. गवई हांचेय संपत्तीची म्हायती दिली. ते प्रमाण येवपी न्यायधीशांच्या नांवान बँकेंत १९ लाख ६३ हजारांच्यो ठेवी जाल्यार पीपीएफ खात्यांत ६ लाख ५९ हजार रुपया आसात. तशेंच अमरावतींत घर, मुंबय आनी दिल्लीक फ्लॅट अशे मालमत्तेचो तांणी उल्लेख केला. तशेंच अमरावती आनी नागपूर तांची जमीन आसा. तशेंच वट्ट १ कोटी ३० लाखांचें रीण तांच्या नांवार आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
