भांगरभूंय | प्रतिनिधी
नवी दिल्ली, खबरां संस्था: सर्वोच्च न्यायालयान आयज वैयक्तीक मालमत्ते संबंदी म्हत्वाचो निर्णय दिलो. दरेका मनशाची दरेक संपत्त समाजा खातीर उपेगी मालमत्तेची साधन सुविधा आसतलीच अशें ना. म्हणल्यार, दरेका व्यक्तीची दरेक मालमत्ता समाजा खातीर वापरपाक मेळटलीच अशें ना, अशें सर्वोच्च न्यायालयान म्हणलां. सरन्यायाधीश डी. वाय. चंद्रचूड हांचे अध्यक्षतेखाला णव न्यायाधीशांनी मंगळारा (५ नोव्हेंबर) हो निर्णय घेतलो. स्वताचे जोडीची खाजगी मालमत्ता संविधानाच्या अनुच्छेद ३९ (बी) खाला समाजा खातीर उपेगी मालमत्ता मानपाक शकना, असो आयज ह्या घटनापिठान निर्णय दिलो.
घटनापीठान तीन भागांतलो हो निर्णय दितना म्हणलें, कांय खाजगी मालमत्ता समाजा खातीर ‘उपेगी संपत्त’ आसपाक शकता. मात दरेक खासगी मालमत्ता समाजा खातीर उपेगी संसाधन आसपाक शकना. न्यायाधीश हृषिकेश रॉय, बी वी नागारत्ना, जे बी पारडीवाला, सुधांशू धूलिया, मनोज मिश्रा, राजेश बिंदल, सतीशचंद्र शर्मा आनी ऑगस्टिन जॉर्ज मसीह हांचो ह्या घटनापीठांत आसपाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
