भांगरभूंय | प्रतिनिधी
भांगरभूंय । प्रतिनिधी
पणजीः रेस्टॉरंटात जेवले उपरांत जेवणाच्या बिलाचेर जर सर्विस चार्ज लायतात जाल्यार रेस्टॉरंट धनयांचे आड कागाळ करपाक शकतात. रेस्टॉरंटात सर्विस चार्जाची सक्ती ना. जे रेस्टॉरंट सर्विस चार्ज लायतात ते गिरायक संरक्षण कायद्याचे उल्लंघन करतात अशें दिल्ली उच्च न्यायालयान आदेशात म्हणलां अशीं म्हायती गोवा कॅनान दिली.
दिल्ली उच्च न्यायालयाच्या आदेशा प्रमाण, रेस्टॉरंटात सर्विस चार्ज सक्तीचें ना अशें स्पश्ट नमुद केला देखून रेस्टॉरंटात जेवले उपरांत सर्विस चार्ज दिवचें न्हय, अशी जागृती करपी म्हायती केंद्रीय गिरायक वेवहार खात्यान दिल्या.
खात्यान म्हणलां, सर्विस चार्ज वा टीप हे गिरायकान आपले खोशयेन दिल्ले पयशे आसता. देखून हे शुल्क सक्तीचें ना आनी जर सक्ती करता आसत जाल्यार गिरायक संरक्षण कायदो 2019चे उल्लंघन जाता.
गिरायक हक्क आनी निष्पक्षता सुनिश्चित करपा खातीर उच्च न्यायालयान गिरायक राखण प्राधिकरणाचे मार्गदर्शक तत्वा तिगोवन दवरल्या. रेस्टोरेंट वा हॉटेला गिरायकांक सर्विस चार्ज भरपाक आग्रो करपाक शकनात. जर भलतीच नांवा लावन जर सर्विस चार्ज घेता आसत जाल्यार हो प्रकार गिरायक संरक्षण कायदो 2019 सकयल गैर वेवहार थारता.
जर गोंयांत खंयचे रेस्टॉरंट सर्वीस चार्ज घेता आसत जाल्यार ते गिरायक संरक्षण कायदो 2019चे उल्लंघन म्हूण हे विशींची कागाळ [email protected] करची असो उलो गोवा कॅन एनजीओन मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
