भांगरभूंय | प्रतिनिधी
भांगरभूंय । प्रतिनिधी
दिवचलः वाठादेव- सर्वण हांगा एका लग्नाच्या घरांत रातीं कोणूच नाशिल्ल्याची संद सादून चोरांनी घरांतले भांगराच्या वस्ती आनी रोकड धरून सुमार साडेपांच लाखांचो म्हालवज फारायलो. 11 नोव्हेंबराक लग्न जाल्या उपरांत 13 नोव्हेंबराक घोवा कडले लोक लग्नाच्या रिसेप्शनाक गेल्ले कडेन ही चोरी जाली.
रमिझा इस्लाईल शेख हांणी दिवचल पुलीस स्टेशनांत चोरयेची कागाळ नोंद केल्या. फाटल्या आयतारा रातीं ही घडणूक जाली. शुक्रार 11 नोव्हेंबराक वाठादेव हांग्या हॉलांत रमिझा हिचे चलयेचें लग्न आशिल्लें. ते खातीर तांणी घरांत भांगराच्या वस्ती हाडून दवोरिल्ल्यो. लग्ना उपरांत आयतारा घरांतले लोक रिशेप्शनाक गेल्ले. मध्यानरातीं घरा आयलीं तेन्ना फाटल्या दाराचें कुलूप तोडून बेडरुमांतल्या कपाट्यांत दवोरिल्ली तीन म्हारग घड्याळ्यां. 64 हजारांचो आयफोन, एक नोकिया मोबायल, एक हार्डडिस्क, 1 लाख 25 हजार रोकड, दोन भांगरा कांकणा, 2 ब्रेसलेट, 2 कानांतली दोन नेकलेस चोरांनी फारायले.
दिवचल पुलीस स्टेशनाचे निरीक्षक सूरज गांवस हांच्या मार्गदर्शना खाला पुलिसांनी पंचनामो करून कुत्र्यांचे मजतीन चोरांचो माग काडपाचो यत्न केलो. उपनिरीक्षक प्रसाद पाळणी चोरयेचो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
