भांगरभूंय | प्रतिनिधी
मोहितेचो पूत भियेवन घरा परततालो. “कितें रे, कितें जालें…? ” बाळून काकी सुमित्राचो आवाज आयकून फाटीं पळयलें. कांयच ना . . . ताणें मंद आवाजांत म्हणलें आनी सोपणां चडपाक लागलो. सुमित्राकाकूय ताच्या फाटल्यान ताचे कुडी मेरेन आयली.
‘रिजल्ट हाडलो? कितली टक्केवारी मेळ्ळी? रोहनाच्या टक्केवारी परस चड मेळ्ळी?”. ताच्या तोंडातल्यान उतरां भायर सरलीं नात.
“आरे हांव कितें विचारतां. म्हज्या तोंडा मुखार राक्षसा भशेन कितें उबो आसा.. बेगीन सांग…!” आण्टी सुमित्रा दारांत उबी आशिल्ली आनी पुराय संवाद एकेच तरेचो चलतालो.
“सत्तर टक्के पडल्यात. पयलो वर्ग आयलो…! ” बाळू भियेवन उलयतालो.
“फकत सत्तर टक्के? आनी शेजारी रोहनाक कितले टक्के मेळ्ळे? मोहितेकाकीन ताका रागान विचारलें.
“बाहत्तर टक्के ताका…” बाळून निरशेवन म्हणलें.
“भितर यो…आतां दाखयतां तुका! हांवें पयलींच सांगिल्लें. तुका शेजारच्या रोहना परस चड गुण मेळपाक जाय. सांगलेलें कांय ना? मागीर कितें! ..” अशें विचारून सदचे भशेन मोहितेकाकी ताका मारपाक लागली. ताचे फाटसून सुमित्रा काकी कुडींन सरली.
“नाका… भुरग्याक मारूं नाका. सत्तर टक्के उणे न्हय. तुवें ताची खूब तोखणाय करपाक जाय.” ..! सुमित्राकाकून बाळू कडेन पळयत म्हणलें.
“तुमी उलयत रावूं नाकात.. म्हाका समजावं नाका. तुका भुरगीं नात, म्हाका कितें शिकयता…” मोहितेकाकून जाप दिली.
“म्हाका भुरगीं आसलीं जाल्यारुय हेरांच्या भुरग्यां कडेन अशी सर्त आसची नासली…! सर्त जावंक जाय, ना अशे ना. पूण ती वजें जावंक जायना. ती जिवाक धोको जावंक फावना. भुरग्यांचें मन मुक्त जावन हांसून खेळूंक दिवचें,” सुमित्रा काकी काळजा सावन उलयताली.
“एकमेकां कडेन सर्त करतना जायते जाण कितें करतात, केन्ना केन्ना तांकां कळना…! “.
आमच्या शेजारचें रेषा नांवाचें चली, सामकें मोटें..! निरोगी प्रकृती. पूण ताची कॉलेजीची इश्टीण सीमाच्या थोमण्यांनी ताच्या काळजाक दुखयलें. सीमा बरें दिसता हें आयकून ताका आपल्या उणावांची तीक्ष्ण जाणविकाय जावपाक लागली.
“एक सप्तकांत आपूण स्लिम जावन दाखोवन दितलेंच.” अशें म्हणत ताणें नेटाचेर सोद घेवन, नेमाळीं वाचून, टीव्हीचेर जायराती पळोवन डायट करपाक सुरवात केली. दिसपट्ट्या आहारा परस उणें अन्न खावपाक सुरवात केली. नाश्तो थांबयलो. मागीर कितें…! ताचो जाय तसो परिणाम जालो. तें दुयेंत पडली. इश्टा कडेन तुळा करून सर्तींत वांटो घेवन तें त्रासान पडलें.
खरें म्हणल्यार योग्य पोशण आनी नेमान योग म्हळ्यार व्यायाम हांचो मेळ घालून ताचें वजन ल्हवू ल्हवू उणें जावंक शकतालें. आहार येवजण सुरू करचे परस! तरी आसतनाय…पूण आमी कितें करतले.. ते ताका समजूपाक जाय न्ही … !
आयच्या काळांत सर्त इतली खर जाल्या की स्पर्धात्मक संवसाराक लागून मनशाक आपल्या मुखार सगळें विसरचें पडटा. सर्त करपाक जाय. पूण योग्य नियोजन करून. दुस्वासाची सर्त करचे परस प्रेरणा घेवन मुखार वचपाक शिकप गरजेचें दिसता.
आमचे आवयचे वळखीच्यो दोन बायलो बचत गटान आशिल्ल्यो. त्या दिसा अचकीत दोगूय बाजारांत मेळ्ळ्यो. वंदनाकाकुन म्हणलें, शालीताईक पळोवन हांव तिचे फाटल्यान वचून बचत गटाचें वांगडी जालें. आमी दोगांयनी एकामेकांक सर्त करिनासतना एकामेकांच्या वावरांत सहकार्य करपाचें थारायलें. आयज आमी आपापल्या वेवसायांत फुडारी जाल्यात. आमी ताचेर खोशी आसात. तांची हीं उतरां आयकून म्हजी आवय खूब खोशी जाली.
सगलेच आपल्या वावरांत हुशार आसतात. मनशां भशेन दरेकल्याचें एक खाशेलें अस्तित्व आसता.” आवयन सांगलें.
“हालीं शेजारच्या मांजरेकारांगेर केदो व्हडलो टीव्ही हाडलो. आनी आमचे कडेन… हो पोरणो टिव्ही, पेटी…” कावेरी आपल्या घोवा कडेन कागाळ करताली. कावेरीचो घोव नाटेकार दिसाळें वाचीत बशिल्ले. तांणी तिचे कडेन लक्ष दिलें ना.
“आमकांय व्हडलो टिव्ही हाडुया.” कावेरीचो आवाज वाडलो.
“आगो, पूण आमकां व्हडलो टिव्ही दवरपाक जाय तितली सुवात ना.. तो वन रुम किचनांत कसो बसतलो ..? उरफाटें तो एक प्रॉब्लेम जातलो.
“ मांजरेकारांगेर 2 बीएचके फ्लॅट आसा. तुका खबर ना कितें ..! ” नाटेकार कावेरीक सांगतालो.
” हय, म्हाका खबर आसा” बायलेची खंयचीय इत्सा तुका पुराय करपाक जायना.” कावेरीन मुखामळ घुंवडावन म्हणलें.
” आमच्या किटी पार्ट्यांनी सगळें उलोवप जाता, ह्या सगळ्या विशयांचेर ! तुमी म्हाका मुखार वचून सर्त करपाक दिवचे नात!अशें कित्याक जगचें? हातून कांयच मजा ना…
‘कावेरी, तुका सांगता हांव, आमी आसा तातूंत खोशी रावया. आमी केन्ना तरी व्हडलो टिव्ही हाडुया फुडें वचून … ना न्हय .. पूण मांजरेकरां वांगडा सर्त करपाक लागून आमकां घेवपाचे बळगे नासतना आतां घेवप बरें न्हय …” नाटेकर शांतपणान कावेरी वांगडा उलयतालो.
तुमी सर्त करपाक जाय, पूण सदांच कश्ट करून तुमच्या बऱ्या गुणांक व्याप्ती दिवपाचो यत्न करात. सर्ती आसात म्हणल्यार सर्तक आसतले, पूण खेळगडे वृत्तीन मान्य करपाक जाय. मानसीक स्थिती बरी उरता असो ताचो अर्थ जाता. त्याच उमेदीन परतून यत्न करात आनी येसस्वीपणाच्या मार्गाचेर चडपा खातीर सगळें करात.
त्या मळार सर अब्राहम लिंकनांक हांव खूब मान दितां. कितलेशेच फावट वेंचणूक लढयली तरी तांकां यश मेळ्ळें ना. पूण तांच्या मनांत केन्नाच कोणा कडेन हारपाचो वा सर्त करपाचो विचार आयलो ना. उरफाटें खंय उणें पडलां हाचो विचार करून सर्तीक तोंड दिवचें, असोच याद उरपी दीस आशिल्लो तो एक. अमेरिकेचे राष्ट्रपती वेंचणुकेंत तांणी जैत मेळयलें. आनी निमाणे ते अमेरिकेचे अध्यक्ष जाले.
नवजात भुरग्यां खातीर भलायकेन बऱ्या भुरग्यांच्यो सर्ती ते व्हडल्या लोकां मेरेन सगळ्यां खातीर वेगवेगळीं सर्ती… ह्या सर्तीच्या युगांत उदेंल्यात.
वेळा प्रमाण सर्तींत प्रवेश, क्रमवारीय त्या वेळार साध्य जाताली! पूण केन्ना केन्ना तुजो नंबर सर्तींत फुडें गेलो म्हणून मनाक व्हडपण दिसपाक जायना वा तुमचो नंबर उपरांत आयला म्हणून खचपाचें ना.
उक्त्या मनान सर्त करची आनी यत्न घटमूट करपाचो यत्न करात. जिखपी मनशा खातीर हें ध्येय सदांच मतींत दवरचें. पूण कोणाच्याय दुस्वासा खातीर, कोणाकूय उणाक करपा खातीर, अशें स्पर्धात्मक नाटक करिनासतना स्वताक सिद्ध करपा खातीर, आपल्या कामाक दिका दिवपा खातीर सर्तींत प्रवेश करपा खातीर… हा…! पूण चड ताणून घेवचें न्हय, कारण ताणल्यार रबर तुट्टलो. सगळ्या प्रकरणांत तें एकूच आसता.
सर्तीन लेगीत जिवाक धोको निर्माण करपी मनाचेर दबाव आनी वजें घालूंक फावना. येवपी दरेक खीण आमकां जाय तसो आसचोना आनी आमचो आग्रहूय आसूंक फावना. सगळ्या गजालींक हांसत तोंड दिवचें. अणभव घेवन बुदवंत जावचें. पांय थरथरले तरी घटमूट रावचें. सुर्यास्ताच्या पलतडीं उदेंतेचो मार्ग आसा. फकत पळोवपाक जाय केन्ना फांतोड जातली तें…
गौरी भालचंद्र
9422373926
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
