भांगरभूंय | प्रतिनिधी
भांगरभूंय । प्रतिनिधी
सांगेंः कुडचडें हांगच्या श्री सरस्वती प्राथमीक शाळेचो बाल मेळावो शेल्डें हांगच्या श्री शांतादुर्गा सातेरी देवस्थान सभाघरांत जालो. ह्या वेळार मुखेल सोयरो म्हणून न्यू इंग्लिश हायस्कुलाचो निवृत्त मुख्याध्यापक शिवानंद देसाय हाजीर आशिल्लो.
दिपली पेटोवन मेळाव्याक सुरवात जाली. देसाय हाणे विद्यार्थ्यांक ध्येय कशें हातासप हे विशीं मार्गदर्शन केलें. कोणेचे चडूच आत्मविस्वास दाखोवपाक जायना. ताचो परिणाम कासोव आनी सोशाचे काणये प्रमाण जाता. भुरग्यांनी आवय-बापायचे आज्ञेन रावपाक जाय. सराव करून गिन्यान मेळोवपाक जाय अशें ताणे सांगलें. शाळेची मुख्याध्यापिका दीपा पोकळे, पालक-शिक्षक संघाची अध्यक्ष स्वरुपा सावंत देसाय, वांगडी रामदास नायक, पालक गिरीश सावंत देसाय, सुनिता सुखी, गौरी पार्सेकार मेळाव्याक हाजीर आशिल्ली. सुरवेक ललिता साठेन सोयऱ्यांची वळख करून दिली. सूत्रसंचालन सुलक्षा गांवकार हिणे केलें आनी गीता नायकान उपकार मानले
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
