भांगरभूंय | प्रतिनिधी
० आखाड्यार सॏ. नविशा आनी सुदेश चंद्रकांत फडते हांच्या घरांत ७ सप्टेंबराक गोकुळाश्टम मनयतले. सांजच्या ७ वरां सावन साबार धर्मीक, संस्कृतीक कार्यावळी जातल्यो. ९ वरांचेर म्हाप्रसाद जातलो.
० कुडचडे सावड्ड्यां रोटरी क्लब आनी इनरव्हील क्लबा वतीन मंगळारा 5 सप्टेंबराक शिक्षक दिसा निमतान सांजवेळार ७ वरांचेर कुडचडेच्या रोटरी सभाघरांत कार्यावळ.
० कला आनी संस्कृती संचालनालयान हस्तकलाकार सुनेत्रा कामत तारकार हांच्या “आरी” कार्यशाळेचें आयोजन 4 ते 8 सप्टेंबर मजगती दनपारां 2.30 ते सांजेची 5.30 मेरेन संस्कृती भवन, पाटो पणजी हांगा केलां. कार्यशाळेखातीर 300/- रूपया प्रवेश शुल्क आसतलें. हे कार्यशाळेत 15 प्रशिक्षणार्थीक प्रवेश दितले. चड म्हायती खातीर 0832-2404630/631 ह्या फोन नंबराचेर संपर्क करचो, अशें कळीत केलां.
० हरमलाच्या दुर्वांकूर कला केंद्रान पेडणें तालुका मर्यादीत ‘दुर्वांकूर अभंग सम्राट-2023’ ची सेमीफायनल आयतारा 3 सप्टेंबराक दनपारां 3 वरांचेर राम मठांत आयोजीत केल्या. दरेक सर्तकान सादरीकरणाची पुराय प्रत केंद्र मुखेली गुरूदास नानोस्कार 9823896316 वा सचीव अर्जुन गडेकार 9373748678 ह्या नंबराचेर व्हॉट्सअॅपाचेर धाडची.
० कला आनी संस्कृती संचालनालच्या बरेपणान आनी इन्स्टिट्यूट मिनेझीस ब्रागांझाच्या जोडपावलान स्वररजनी वतीन ‘मै केवल तुम्हारे लिये गा रही हुं’ ही कार्यावळ ३ सप्टेंबराक सांजवेळा ६ वरांचेर आयएमबीच्या सभाघरांत जातली.
० सांखळे रवींद्र भवना वतीन दिवचल आनी सत्तरी तालुको मर्यादीत घुमट आरती सर्त १० सप्टेंबराक जातली. ही सर्त रवींद्र भवनांत सकाळीं १० वरांचेर जातली. पयलीं येवपी फकत १० पंगडाक प्रवेश मेळटलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
