सरभोंवतणी

भांगरभूंय | प्रतिनिधी

० वास्को सिने एलमाँत लागसार स्वरब्रह्म संगीत सांस्कृतीक संस्था 21 ते 24 ऑक्टोबर मेरेन 35 वो सरस्वती पुजानोत्सव वेगवेगळ्या सांस्कृतीक कार्यावळींनी मनयतली. सांजवेळा 5 वरांचेर अखिल गोंय अभंग गायन सर्त आयोजीत केलां. चड म्हायती खातीर 8806131414 ह्या नंबराचेर संपर्क करचो.

० मुरगांव हेडलँड सडा हांगा मुरगांव भौशीक नवरात्रौत्सव सांस्कृतीक मंडळान छत्रपती शिवाजी महाराज मंच, कलावती आई मंदिरा लागसार वर्सुकी परंपरे प्रमाण श्री दुर्गामाताचे पूजन केलां. हे निमतान 24 ऑक्टोबर मेरेन वेगवेगळ्यो धर्मीक आनी संस्कृतीक कार्यावळी आयोजीत केल्यात.

० शिरोडेंच्या श्री विठ्ठल मंदिरा लागसार श्री विश्वकर्मा कला मंडपात आयतारा 26 ऑक्टोबर ते 9 नोव्हेंबर मेरेन सकाळीं 9 ते दनपारां 12 मेरेन कार्यशाळा घडोवन हाडल्या. हे कार्यशाळेंत विद्यार्थ्यांक अभिनय, नाच, गीत, नाटक, आदी प्रशिक्षण दितले.

० श्री शांतादुर्गा मयते आस्नोडेंच्या देवळांत कला आनी संस्कृती खात्यान नवरातीच्या निमतान आयतारा 15 ऑक्टोबर ते 24 ऑक्टोबर मेरेन वेगवेगळ्या कार्यावळींचे आयोजन केलां.

० गोमंतक लोकसेवा ट्रस्ट वतीन मुड्डी, झर – हणजूणच्या महिलाश्रमांत 15 ते 23 ऑक्टोबर मेरेन नवरात्री महोत्सव मनयतले.

० साईगढ, आडपय-दुर्भाटा श्री साई शांता साई मंडळ श्री साई मूर्ति प्रतिष्ठानाचो तेरावो वर्धापन दीस आयतारा 22 ऑक्टोबर सावन तीन दीस मनयतले.

० श्री शांतादुर्गा देवस्थान सातेरीभाट वळवय 15 ते 23 ऑक्टोबर मेरेन नवरात्री महोत्सव वेगवेगळ्या कार्यावळींनी मनयतले.

० होंडा पोस्टवाड्या वयल्या जय मातादी उत्सव समितीन अंदूं नवरात्र निमतान विंगडविंगड कार्यावळीचे आयोजन केलां. १५ ते २४ ऑक्टोबर मजगतीं वेगवेगळ्यो सर्ती घडोवन हाडटले.

० मेणकुरच्या श्री देवी माऊली देवळांत १५ ते २३ ऑक्टोबर मेरेन सांस्कृतीक कार्यावळींनी नवरात्री उत्सव मनयतले. तांतूतलोककला, फुगडी, दांडिया आनी हेर पारंपरीक सादरीकरणां आसतलीं.

० मुरगांवची स्वरब्रह्म संगीत सांस्कृतीक संस्था अंदूं 35वी सरस्वती पुजा कार्यावळ मनयतली. त्या निमतान गोंय सरकाराच्या कला आनी संस्कृती संचालनालयान सहकार्यान आयतारा 22 ऑक्टोबराक सांजेच्या 4 वरांचेर रवींद्र भवन बायणा वास्कोच्या मिनी थिएटरांत फुगडी महोत्सव 2023 आयोजीत केलां.

० आशा फावंडेशन आनी सम्राट क्लब सांखळें हांच्या सहकार्यान शेनवारा 21 ऑक्टोबराक पर्येंच्या समृद्धी नर्सरी हॉलांत सरस्वती पुजा. ते निमतान सर्ती आनी मार्गदर्शन सत्रां आयोजीत केल्यांत. चड म्हायती खातीर 7507077997 ह्या नंबराचेर संपर्क करचो.