भांगरभूंय | प्रतिनिधी
० शिरोडेंच्या श्री विठ्ठल मंदिरा लागसार श्री विश्वकर्मा कला मंडपात आयतारा 26 ऑक्टोबर ते 9 नोव्हेंबर मेरेन सकाळीं 9 ते दनपारां 12 मेरेन कार्यशाळा घडोवन हाडल्या. हे कार्यशाळेंत विद्यार्थ्यांक अभिनय, नाच, गीत, नाटक, आदी प्रशिक्षण दितले.
० श्री शांतादुर्गा मयते आस्नोडेंच्या देवळांत कला आनी संस्कृती खात्यान नवरातीच्या निमतान आयतारा 15 ऑक्टोबर ते 24 ऑक्टोबर मेरेन वेगवेगळ्या कार्यावळींचे आयोजन केलां.
० गोमंतक लोकसेवा ट्रस्ट वतीन मुड्डी, झर – हणजूणच्या महिलाश्रमांत 15 ते 23 ऑक्टोबर मेरेन नवरात्री महोत्सव मनयतले.
० पीर्ण श्री शांतादुर्गा देवळांत नवरात्रां निमतान सोमारा 16 वेर सांजवेळा 8 वरांचेर गायक आनंद सालेलकार आनी संदेश खेडेकार हांच्या भाव भक्ती आनी नाट्यगीतांची कार्यावळ.
० हेडलॅण्ड सडा, मुरगांवां भौशीक नवरात्री महोत्सवाच्या निमतान सांस्कृतीक मंडळा वतीन श्री स्वरदीप गोंय प्रस्तूत मंगेश शेट्ये निर्मित “भक्तिरंग भावतरंग” कार्यावळीचे आयोजन आयतारा 15 ऑक्टोबराक सांजवेळा 6.30 वरांचेर छत्रपती शिवाजी महाराज मंच कलावती आई देवळां लागसार केलां.
० साईगढ, आडपय-दुर्भाटा श्री साई शांता साई मंडळ श्री साई मूर्ति प्रतिष्ठानाचो तेरावो वर्धापन दीस आयतारा 22 ऑक्टोबर सावन तीन दीस मनयतले.
० श्री शांतादुर्गा देवस्थान सातेरीभाट वळवय 15 ते 23 ऑक्टोबर मेरेन नवरात्री महोत्सव वेगवेगळ्या कार्यावळींनी मनयतले.
० होंडा पोस्टवाड्या वयल्या जय मातादी उत्सव समितीन अंदूं नवरात्र निमतान विंगडविंगड कार्यावळीचे आयोजन केलां. १५ ते २४ ऑक्टोबर मजगतीं वेगवेगळ्यो सर्ती घडोवन हाडटले.
० मेणकुरच्या श्री देवी माऊली देवळांत १५ ते २३ ऑक्टोबर मेरेन सांस्कृतीक कार्यावळींनी नवरात्री उत्सव मनयतले. तांतूतलोककला, फुगडी, दांडिया आनी हेर पारंपरीक सादरीकरणां आसतलीं.
० गावकारवाडा वांतेंच्या श्री सतेरी केळबाय देवळांत नवरात्री महोत्सवाचे आयोजन केलां. ह्या निमतान आयतारा 15 ऑक्टोबराक सकाळीं घटस्थापना जातली.
० मुरगांवची स्वरब्रह्म संगीत सांस्कृतीक संस्था अंदूं 35वी सरस्वती पुजा कार्यावळ मनयतली. त्या निमतान गोंय सरकाराच्या कला आनी संस्कृती संचालनालयान सहकार्यान आयतारा 22 ऑक्टोबराक सांजेच्या 4 वरांचेर रवींद्र भवन बायणा वास्कोच्या मिनी थिएटरांत फुगडी महोत्सव 2023 आयोजीत केलां.
० आशा फावंडेशन आनी सम्राट क्लब सांखळें हांच्या सहकार्यान शेनवारा 21 ऑक्टोबराक पर्येंच्या समृद्धी नर्सरी हॉलांत सरस्वती पुजा. ते निमतान सर्ती आनी मार्गदर्शन सत्रां आयोजीत केल्यांत. चड म्हायती खातीर 7507077997 ह्या नंबराचेर संपर्क करचो.
० भारत सरकारच्या लुगट मंत्रालयाच्या राष्ट्रीय ताग (ज्युट) मंडळान पणजे डॉन बॉस्को ऑरेटरी सभाघरात तागाच्या (ज्युट) धाग्या पसून तयार केल्ल्या उत्पादनांचे विक्री- प्रदर्शन आयोजीत केलां. हें विक्री- प्रदर्शन 16 ऑक्टोबर मेरेन उक्तें आसतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
