भांगरभूंय | प्रतिनिधी
० भौशीक गणेश उत्सव मंडळ केरी- सत्तरी ‘गणेश उत्सव 2023’ 19 सप्टेंबर ते 28 सप्टेंबर मेरेन वेगवेगळ्या कार्यावळींनी मनयतलें.
० कोंकणी भाशा मंडळ, गोंय 30 सप्टेंबराक सांजे 4.30 वरांचेर गोमंत विद्या निकेतन, मडगांव हांगा 61वो वर्धापन दीस मनयता.
० सांगेंच्या संगमपूर गणेशोत्सव मंडळान अंदूं बर्याच सांस्कृतीक तशेंच धर्मीक कार्यावळींचें आयोजन केलां. अंदूं ६० वें वर्स आशिल्ल्यान देणगी कुपनांत गच्च इनामां दवरल्यांत. १९ ते २७ सप्टेंबराक हें मंडळ विवीध कार्यावळींनी गणेशोत्सव मनयतलें.
० हरमलच्या सार्वजनीक गणेशोत्सव मंडळाच्या ३० व्या उत्सव वर्सा निमतान २६ सप्टेंबराक सकाळीं १० वरांचेर घुमट आरती सर्तीचें आयोजन केलां. ही सर्त पेडणें आनी बार्देश म्हाल मर्यादीत आसतली. चड म्हायती खातीर महेश गावडे (७०८३६१६४५९) हांचे कडेन संपर्क करपाचो उलो मंडळ समितीन मारला.
० हरमलच्या युनायटेड बॉयज स्पोर्ट्स ऍण्ड कल्चरल क्लबान हरमल गांव मर्यादीत श्री गणेश देखावो सर्त आयोजीत केल्या. हे सर्तींत वांटो घेवप्यांनी २०० रुपया फी भरची. चड म्हायती खातीर शुभम (८८०६९८७७०८), पपी (८९९९७३०१७६) वा रवींद्र (८३२९०६५८७९) हांचे कडेन संपर्क करचो, अशें कळयलां.
० कुंडय भौशीक गणेशोत्सव समितीन अंदूं 19 ते 28 सप्टेंबर मेरेन गणेशोत्सवा निमतान जायत्यो कार्यावळी दवरल्यात.
० कुडणेच्या सागर खेळां आनी सांस्कृतीक संस्था, श्री देव महारुद्र कुलदेवता संस्थान आनी कला आनी सांस्कृती संचालनालय गोंय सरकारान आयतारा 24 सप्टेंबराक गावकरवाडा चौकी कुडणे हांगा सांजेच्या 4 वरांचेर खुली गट अखिल गोंय गवळण गायन सर्त आयोजीत केल्या. चड म्हायती खातीर 9765390212 वा 9588430015 ह्या नंबराचेर संपर्क करचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
