भांगरभूंय | प्रतिनिधी
० मयें, चिमुलवाड्या वयल्या श्री गोयंगणकर देवस्थानांत वर्सुकी श्रावणी मासा निमतान मंगळार 29 ऑगस्टाक दुसरो मंगळार व्हडा उमेदीन मनयजतले. ह्या निमतान ‘स्वर भाव’ हे संगीत कार्यावळीचें आयोजन केलां.
० दिवचल इनर व्हील क्लबा वतीन १ आनी २ सप्टेंबराक चवथीचो बाजार आयोजीत केला. हांतूत सजावटीच्यो वस्तू, कपडे, फराळ आनी हेर वस्तूंचे स्टॉल लावपाक एक हजार रुपया नोंदणी शुल्क घेतले. चड म्हायती खातीर मिलिंदा कामत ९८२२१२३५३०, लिंडा तेली ९८२३१६५०५४ हांचे कडेन संपर्क करचो, अशें कळीत केलां.
० कला आनी संस्कृती संचालनालच्या बरेपणान आनी इन्स्टिट्यूट मिनेझीस ब्रागांझाच्या जोडपावलान स्वररजनी वतीन ‘मै केवल तुम्हारे लिये गा रही हुं’ ही कार्यावळ ३ सप्टेंबराक सांजवेळा ६ वरांचेर आयएमबीच्या सभाघरांत जातली.
० सांखळे रवींद्र भवना वतीन दिवचल आनी सत्तरी तालुको मर्यादीत घुमट आरती सर्त १० सप्टेंबराक जातली. ही सर्त रवींद्र भवनांत सकाळीं १० वरांचेर जातली. पयलीं येवपी फकत १० पंगडाक प्रवेश मेळटलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
