भांगरभूंय | प्रतिनिधी
भांगरभूंय । प्रतिनिधी
काणकोणः आपल्या सरपंचपदाच्या णव म्हयन्यांत आंगोद पंचायतीचो म्हसलूस 3 लाखां वयल्यान 30 लाखांचेर व्हरून दाखयलो असो दावो पंचायतीची आदली सरपंच फातिमा रॉड्रिग्ज हिणे आंगोंदा हांगा घेतिल्ले एक पत्रकार परिशदेंत केलो.
आगोंद पंचायत वाठारांत इंटरनेट सुविधा, रस्ते नाशिल्ले थंय रस्ते, उदका पुरवण केली. 6 सुवातांनी लायटीचे ट्रान्सफॉर्मर बसयले. मोबायल टॉवर उबारलो. काणकोणचो आमदार आनी सभापती रमेश तवडकार हांचें आपल्याक सहकार्य मेळ्ळें अशें तिणे सांगलें. पत्रकार परिशदेंक पंच नीलेश पागी, आगोंद जैव विविधताय मंडळाचो अध्यक्ष शांबा नायक गांवकार आनी किशोर फळदेसाय हाजीर आशिल्ले. सरपंच म्हणून पदभार स्विकारल्या उपरांत पंचायत कार्यालयांतलें पोरण फर्निचर बदलून घेतलें. घरांत घर वचून कोयर एकठांय करपा खातीर 6 कामगार घेतले. कोयरा पसून सारें करपी प्रकल्प सुरू केलो. ग्रामसभेक आयिल्ल्यांक हें सारे फुकट दिलें अशी म्हातती रॉड्रिग्ज हिणे दिली.
सभापती रमेश तवडकार हांच्या श्रमधान येवजणे खाला आंगोद पंचायत वाठारांत चार घरां बांदपाचें काम हातांत घेतला ते खातीर फातिमा रॉड्रिग्ज हिणे तवडकाराचे उपकार मानले. आंगोद दर्या वेळेर जैव विविधताय मंडळा वतीन रेंवेंची झीज जावची न्हय हे खातीर झाडां लायतले अशी म्हायती शांबा नायक गांवकारान दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
