सरकार आनी खरो फुडारी हांचे मदीं लोकहित म्हत्वाचें

भांगरभूंय | प्रतिनिधी

म्हजें मत

ब्रिटीश सत्तेचो निशेध करपाक आनी नागरी अवज्ञा चळवळीचें उक्तावण करपाक महात्मा गांधीन मीठ कायदो मोडलो. मिठाचेर कर घालप हें पाप आनी सगल्या भारतीयांचेर परिणाम करपी तो अन्यायी कायदो अशें तांकां दिसतालें.

मीठ कायदो हो ब्रिटीश जुलमाचें प्रतीक आशिल्लें, कारण तातूंत जिणेंतल्या मुळाव्या गरजेच्या वस्तूंचेर कर लायताले.  मीठ कायद्याचो सगळ्या भारतीयांचेर परिणाम जाल्ल्यान गांधीजीन साबरमती आश्रमांतल्यान गुजरातांतल्या दर्यादेगे वयल्या दांडी ह्या गांवांत मोर्चा काडलो. थंय तांणी आनी तांच्या अनुयायांनी सैमीक मीठ आनी दर्याचें उदक वापरून मीठ तयार केलें आनी ब्रिटिशांचो कायदो मोडलो. 

दांडी मार्चांत हजारांनी भारतीयांनी सरकारी कायदो पांया पोंदां माड्डिलो. गोंयकारांनी विचार करचो, हांव हो इतिहास कित्याक सांगतां? गांधीजीन अहिंसेच्या मार्ग धरून लोकांच्या एकचाराक आदार दिलो. आदले मुख्यमंत्री पर्रीकार हांणी प्रादेशिक आराखडो  2021 गोठोवन सरकार कित्याक सकयल देंवयलें तें कोणाक खबर आसा? तांणी लोकहिता खातीर तो म्हत्वाचो निर्णय घेतलो. देखून शासनांत आनी खऱ्या फुडाऱ्यांत लोकहिताचो दर्जो खूब म्हत्वाचो आसता.

कांय मनीसूच राहु आनी केतू!

–  

वैदिक ज्योतिश शास्त्रांत राहु आनी केतू हांकां भौतिक ग्रह न्हय तर प्रभावी बिंदू मानतात. तांचो उपेग मनशाच्या जिवीत मार्गाचो आनी कर्म प्रवृत्तीचो अर्थ लावपाक आनी समजून घेवपाक करतात. पूण हे विचार दिसतात न्हय? राहु आनी केतून देवांक त्रास दिवन अमृत पियेल्लें तर राहु आनी केतू मनशाच्या जिवितांत फळादीक कशे जावंक शकतले?

आयच्या युगांत राहु आनी केतू दुसऱ्याच्या जिविताक उणाव हाडटात.  ह्या संवसारांत गिरेस्तकाय म्हणल्यार ‘अमृत’.  कांय मनीस स्वार्थ सादोवपाक पयशांच्या बळग्यान ह्या समाजांत ‘राहु आनी केतू’ निर्माण करतात. देखूनच ह्या गिऱ्यांक साडेसाती अशें म्हण्टात.

राहु आनी केतू हांकां ज्योतिशशास्त्रांत सावळी ग्रह मानतात. तांचो सदांच वायट परिणाम जायना, अशें म्हण्टात.   मनशाचे कुंडलींतल्या हेर गिऱ्यां प्रमाण तांची सुवात आनी प्रभाव वेगवेगळो आसता, देखून तांकां केन्ना केन्नाय बरे जाल्यार केन्ना वायट परिणाम मेळूंक शकतात(?) राहु आनी केतू हांची ‘साडेसाती’ अजून आसा आनी सदां खातीर आसतली. कारण हांगा फटी वांगडा खरेंय जळटा. आनी केतू मनशाच्या जिवितांत समतोल दवरतात? ते कशे?

वैदिक ज्योतिशशास्त्रांत राहु आनी केतू हे भौतिक ग्रह न्हय, तर सूर्य आनी चंद्र हांच्या मार्गांच्या (ग्रहण आनी चंद्र कक्ष) हांचें प्रतिच्छेदन दाखोवपी गणितीय बिंदू आसात.  म्हणजे ते पापी काय सद्गुणी? 

राहु आनी केतू हे मनशाचे जिणेचेर प्रभाव घालतात, कर्म प्रवृत्ती आनी वाड आनी परिवर्तन हांचे क्षेत्र दाखयतात अशें म्हण्टात.  राहुचो संबंद महत्वाकांक्षा, भौतिक इत्सा आनी अस्मिताय सोदपा कडेन आसता, जाल्यार केतू हो विरक्तताय, अध्यात्मीक जागृताय आनी फाटल्या कर्म नमुन्यांतल्यान मुक्ती हांचें प्रतिनिधित्व करता अशें मानतात.

जल्म कुंडलेन तांची सुवात बळ, आव्हानां आनी वैयक्तीक उदरगती खातीर संद दाखोवंक शकता, अशें समजता. आब्बा!  हांगा कलियुग ‘अमर’ जावपाक लागलां. हांगा आधुनीक राहु आनी केतू तयार जावपाक लागल्यात. 75 टक्के कलियुगांत कितले राहू आनी केतू आसतले, हाचो विचार करात. कारण पयशे म्हणल्यार अमृत !

राजेश बाणावलीकार, 

वेगासवाडो, हडफडें