भांगरभूंय | प्रतिनिधी
रिझर्व्ह बँकेंत असिस्टंटच्या ६५० पदां खातीर भरती करपाचे आसात. आधारांत २५२ पदां खातीर रिती सुवात. ताचे वांगडा स्टेट बँक ऑफ इंडियांत २०५० रित्या सुवातां खातीर अर्ज करपाची निमाणी तारीख लागीं आयल्या.
ह्या नोकर्यां विशीं अर्ज करपाची प्रक्रिया …
भारतीय रिझर्व्ह बँकेंत असिस्टंटाच्या ६५० पदां खातीर भरती जातली. हे भरती खातीर प्रीलिम्स परिक्षा ११ एप्रिल २०२६ दिसा जातली. जाल्यार मेन्स परिक्षा ३० एप्रील दिसा. उमेदवार बँकेचे अधिकृत वेबसायट rbi.org.inचेर वचून ऑनलायन अर्ज करपाक शकतात.
शिक्षणीक पात्रताय:
खंयच्याय विशयांत पदवीधर पदवी
एससी/एसटी/दिव्यांगां खातीर उण्यात उण्या ५०% गुणां सयत पदवीधर पदंवी. तशेंच, संगणकाचेर वर्ड प्रोसेसिंगाचें ज्ञान आसचें.
आदले सैनिकूय अर्ज करपाक शकतात. तांणी मान्यताय मेळयिल्ल्या विद्यापीठांतल्यान पदवीधर आसचें वा सशस्त्र दलांची मॅट्रिक परिक्षा पास केल्ली आसची. तशेंच, १५ वर्सांची संरक्षण सेवा पुराय केल्ली आसची.
राज्यां खातीर अर्ज करप्यांक थंयची थळावी भाशा कळपाक जाय.
वयोमर्यादा :
उण्यात उणीं : २० वर्सां
चडांत चड : २८ वर्सां
एससी/ एसटी : ५ वर्सांची सूट
ओबीसी : ३ वर्सांची सूट
जनरल/ ईडब्ल्यूएस दिव्यांग १० वर्सांची सूट
ओबीसी दिव्यांग : १३ वर्सांची सूट
एससी- एसटी दिव्यांग : १५ वर्सांची सूट
शुल्क :
जनरल/ ओबीसी / ईडब्ल्यूएस: ४५०
एससी / एसटी/ दिव्यांग: ५०
पगार :
दर म्हयन्याक २९,०००- ७४,५९० रुपया
निवड प्रक्रिया :
मुळावी परिक्षा
मुखेल परिक्षा
भाशा चांचणी
अर्ज कसो करचो:
अधिकृत वेबसायट rbi.org.inक भेट दियात.
होम पेजीचेर भरती विभागाचेर क्लीक करात.
आरबीआय रिक्रुइटमेंट २०२३चेर क्लीक करात.
ऑनलायन अर्ज करात, हाचेर क्लीक करात. सगलो तपशील वाचात.
आपले श्रेणी प्रमाण शुल्क भरात.
फॉर्म पुराय भरले उपरांत तो सबमीट करात.
हाची एक प्रीट आवट काडून दवरात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
