भांगरभूंय | प्रतिनिधी
नवी दिल्ली : सरकारी नोकरेचो सोद घेवपी तरणाट्यां खातीर एक खोस दिवपी खबर आसा. भारतीय टपाल विभागान (इंडियन पोस्ट) ग्रामीण डाक सेवक (जीडीएस) पदां खातीर २०२५ खातीर व्हड भरती जाहीर केल्या. हाचे वरवीं वट्ट २५,२०० पदांची भरती जातली. विशेश म्हणल्यार हातूंत उमेदवारांची निवड लेखी परीक्षे बगर फकत मेरिटच्या आदाराचेर जातली.
भरतीची म्हत्वाची म्हायती
भरतीचें नांव: भारतीय टपाल विभाग ग्रामीण डाक सेवक (Post GDS Bharti 2025)
वट्ट पदां : २५,२००
अर्ज प्रक्रिया: ऑनलायन
अर्ज सुरू जावपाची तारीख : ३ मार्च
अर्ज सादर करपाची निमाणी तारीख: २८ मार्च
अर्जा खातीर वेबसायट: indiapostgdsonline.gov.in
शिक्षणीक पात्रताय
ग्रामीण डाक सेवक: उमेदवार १० वी पास आसपाक जाय.
पिरायेची मर्यादा
सामान्य वर्गा खातीर: १८ ते ४० वर्सां
आरक्षण आशिल्ल्यां खातीर पिराय मर्यादा सवलत:
अनुसूचित जाती/जमाती : ५ वर्सां
हेर मागासवर्ग : ३ वर्सां
दिव्यांग : १० वर्सां
अर्ज शुल्क
General/OBC/EWS उमेदवार: १०० रुपया
SC/ST/बायलां/PWD उमेदवार: शुल्क माफ
पगार
सुरवातेचें वेतन: १०,००० रुपया दर म्हयनो
चडांत चड वेतन: २९,३८० रुपया दर म्हयनो
निवड जाल्ल्या उमेदवारांची अणभवाच्या आदारार वेतन वाड आनी आनीक भत्ते मेळटले.
अर्ज प्रक्रिया
indiapostgdsonline.gov.in हे वेबसायटीक भेट दियात. दिल्ल्या फॉर्मांत योग्य म्हायती भरून अर्ज सादर करात.
अर्ज पुराय नासल्यान तो अपात्र थारतलो. अर्जाची निमाणी तारीख २८ मार्च आसा. हे तारखे उपरांत येवपी अर्ज स्विकारचे ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
