भांगरभूंय | प्रतिनिधी
केंद्रीय विद्यालय संघटणेन (केव्हीएस) २४९९ पदां खातीर नवीन भरतीची अधिसुचवणी जारी केल्या. हे भरती खातीर अर्ज प्रक्रिया सुरू जाल्या. उमेदवार अधिकृत वेबसायट kvsangathan.nic.inचेर वचून अर्ज करपाक शकतात. हे भरती खातीर परीक्षा १५ फेब्रुवारी २०२६ दिसा आयोजीत करतले.
ही भरती फकत अशा कर्मचार्यां खातीर आसा जे आदीं सावन KVSत अध्यापन वा गैर-अध्यापन पदांचेर कार्यरत आसात. अर्जाची पडताळणी नियंत्रण अधिकार्यां वरवीं २ जानेवारी २०२६ मेरेन पुराय करतले.
श्रेणी प्रमाण रित्या पदांचो तपशील :
पदाचें नाव – पदांचो आंकडो
जनरल – १७१२
एससी – ५२५
एसटी – २६२
वट्ट पदांचो आंकडो – २४९९
शिक्षणीक पात्रताय
पीजीटी : संबंदीत विशयांत उण्यात उणे ५०% गुणां सयत पदव्युत्तर पद्वी आनी इ. एव गरजेचें.
टीजीटी :पद्वी, इ.एव. आनी CTET पेपर २ पास आसप गरजेचें.
हेर पदां: १२वी पास ते पद्वी, डिप्लोमावा वेवसायीक पद्वी.
पिराय मर्यादा :
केंद्रीय विद्यालय संघटणेच्या नेमां प्रमाण
एससी, एसटी : ५ वर्सांची सूट
ओबीसी : ३ वर्सांची सूट
निवड प्रक्रिया : प्राचार्य, उप-प्राचार्य, पीजीटी, टीजीटी, मुख्याध्यापक, सहाय्यक विभाग अधिकारी, वरिश्ठ सचिवालय सहाय्यक, कनिश्ठ सचिवालय सहाय्यक : मर्यादीत विभागीय परीक्षा (LDE)
वित्त अधिकारी, विभाग अधिकारी : मर्यादीत विभागीय सर्त परीक्षा (LDCE)
वेतन : ७ व्या केंद्रीय वेतन आयोगा प्रमाणा हेर भत्त्यांचो लावूय दितले.
कट ऑफ :
अनारक्षीत : ४०%
SC, ST,, दिव्यांग : ३५%
परीक्षेचो नमुनो :
परीक्षेचो प्रकार : वस्तुनिश्ठ प्रस्न : ६०, वर्णनात्मक प्रस्न : १०
कालावधी : अडेज वरां
अर्ज कसो करचो: अधिकृत वेबसायट kvsangathan.nic.in क भेट दियात.
अप्लाय नांव (Apply Now) लिंकाचेर क्लिक करात.
नोंदणी करून गरजेचो तपशील भरात.
मागिल्लीं कागदपत्रां अपलोड करात.
शुल्क जमा करून फॉर्म सबमीट करात.
हाची प्रिंटआवट काडून दवरात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
