भांगरभूंय | प्रतिनिधी
शेतकारांच्या आदोलनाचे फाटभूंयेर १७७ अकावंट ब्लॉक
नवी दिल्ली, खबरां संस्था: भारत सरकाराच्या आदेशान कांय अकावंट बंद केल्यात. पोस्टूय काडल्यात, असो दावो अब्जाधीश एलन मस्क हांची सोशल मिडिया प्लॅटफॉर्म कंपनी एक्सान पयलेच फावट केला. एक्सान आपल्या ग्लोबल गव्हर्नन्स अफेअर्स खात्याचेर बरयलां, आमी हे कारवाये कडेन संमत ना. हे अभिव्यक्ती स्वातंत्र्याच्या विरोधांत आसा. तशेंच, सरकारी आदेशा प्रमाण कंपनीन कांय खातीं आनी पोस्ट ब्लॉक करूंक ना जाल्यार तांकां दंड आनी बंदखण भोगची पडटली.
कंपनीन स्पश्ट केलें, ब्लॉक केल्लीं खातीं आनी पोस्ट भारतांत दिसचे नात. हे हेर देशांनी पळोवपाक मेळटले. कायदेशीर आडखळींक लागून आमी सरकारी आदेश भौशीक करपाक शकना, असो दावो एक्सान केला. मात, पारदर्शकताये खातीर तें भौशीक करपाक जाय, अशें तांणी म्हणलां. तोखणाय करपा सारकी गजाल म्हळ्यार कर्नाटक उच्च न्यायालयांत एक्साची सरकारा आड याचिका आडखळून उरल्या. हाचेर २० मार्चाक सुनावणी जातली. सुत्रांनी दिल्ले म्हायती प्रमाण, सरकारान सोशल मिडिया प्लॅटफॉर्मांक १७७ खातीं ब्लॉक करण्याचे आदेश दिल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
