भांगरभूंय | प्रतिनिधी
नवी दिल्ली, खबरां संस्था: देशांतल्या सामान्य लोकांक गरजेचीं वखदां सवाय मेळचीं हे खातीर सरकारान म्हत्वाचो निर्णय घेतला. दिवाळेच्या आदल्या दिसा सरकारान कॅन्सर दुयेंतींक सुशेग दिला. कॅन्सराचेर उपचार करपाक वापरपी तीन म्हत्वाचीं वखदां सरकारान सवाय केल्यांत. हे संबंदी सरकारानूय आदेश जारी केल्यात. देशांतल्या गरजेच्या वखदांचो दर नियंत्रीत करपाची जापसालदारकी राष्ट्रीय वखदां किंमत प्राधिकरणाची आसा. आतां एनपीपीएने कॅन्सराचेर उपचारा खातीर वापरपी ट्रॅस्टुजुमाब, ओसिमर्टिनिब आनी डुर्वालुमाब ह्या वखदांची एमआरपी उणी करपाचे आदेश दिल्यात.
दिवाळेच्या आदल्या दिसा सरकारान कॅन्सर दुयेंतींक समाधानी केल्यात. स्तन आनी फुफ्फुसाच्या कॅन्सराचेर तीन मुखेल वखदां वापरतात. स्तनाच्या कॅन्सराचेर ट्रॅस्टुजुमाब वापरतात. फुफ्फुसाच्या कॅन्सराचेर ओसिमर्टिनी वापरतात. आनी डुर्वालुमाब हीं वखदां दोनूय प्रकारच्या कॅन्सरा खातीर वापरतात.
सामान्य मनशाक गरजेचीं वखदां सवाय मेळचीं म्हणून हो निर्णय घेतला अशें सरकारान सांगलां. वखदांचो दर उणो करपाचेय निर्देश एनपीपीए कडेन दिल्ले. ह्या वखदां वयले जीएसटी दर हालीं उणें केलां. २०२४-२५ वर्साच्या केंद्रीय अर्थसंकल्पांत ह्या वखदां वयल्यान कस्टम ड्यूटी सोंपपाची घोशणा जाल्ली.
कर कपातीचो परिणाम वखदां दरांचेरूय जातलो. देखून वखदांचो एमआरपी उणो करपाचो आदेश सरकारान दिला. अर्थ मंत्रालयाच्या महसूल खात्यान अंदूं २३ जुलयाक अधिसुचोवणी जारी करून तीन वखदां वयल्यान शीमेवेलो शुल्क माफ केल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
