भांगरभूंय | प्रतिनिधी
भांगरभूंय । प्रतिनिधी
मुरगांवः सडा हांगच्या एफसीआय गुदांवा फाटल्यान काय तरणाट्यांनी बोगदा हांगचो समाज वावुरपी सचीन भगत हाका मारपेट करून तागेल्या दाव्या दोळ्याक दुखापत केली. सडा हांगच्या पवन कोळमकारान ताका ही मारपेट केली. ताचे आड पुलीस कागाळ केल्या. कोळमकार, सूरज चोडणकार, ओंकाम दुर्भाटकार आनी ब्रिटो राज हाचें आड भगतान मुरगांव पुलीस स्टेशनांत कागाळ केल्या.
सडा हांगच्या एफसीआय गुदांवा फाटल्यान अनैतीक कामां चलतात म्हणून भगत आनी ताचो इश्ट शेखर दाभोलकारान थंय वचून जाब विचारल्लो. थंय रिक्शा घेवन आयिल्ल्यान आपल्या धनयाक मोबायला वयल्यान ही म्हायती दिल्या उपरांत कोळमकार आनी हेरानी थंयय येवून भगत हाका मारपेट केली. भगत हाका चिखळी उपजिल्हो हॉस्पिटलांत दाखल केल्लें. मात दोळ्याक गंभीर दुखापत जाल्ल्यान ताका बांबोळे जीएमसींत उपचारा खातीर दाखल केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
