भांगरभूंय | प्रतिनिधी
भांगरभूंय । खेळां मेज
पणजीः कुंडयच्या तपोभूमीच्या तीन दशक महोत्सवा निमतान इंटरनँशनल सद्गुरु फाउंडेशन, सद्गुरु युथ फेडरेशन आनी संत समाज सांगोल्डें हांच्या जोड पालवान आयोजीत केल्ल्या सद्गुरु करंड गोंय पावंड्या वयले व्हॉलिबॉल सर्तींत वॉलीबॉल समर वॉरियर्सान वस्तादपण मेळयलें.
30 एप्रिलाक तपोभूमींत जाल्ले फायनलींत ताणी केके बॉयज पंगडाक 3-0 अश्या गेमींनी हारयलें. ब्रह्मेशानंद स्वामीचे हस्तुकी इनाम भेटयलीं. समर वॉरियर्सांक रोख 40 हजार आनी केके बॉयजाक 30 हजार रुपया मेळ्ळे. इनाम भेटवण कार्यावळीक खेळां मंत्री गोविंद गावडे, कला आनी संस्कृती खात्याचो संचालक सगुण वेळीप, जिल्हो पंचायत मुख्य कार्यकारी अधिकारी अजय गावडे, आदलो आमदार जयेश साळगांवकार, श्री दत्त पद्मनाभ पिठाचें संचालक मंडळ हाजीर आशिल्लें. सूत्रसंजालन श्रीराज शेलारान केलें.
खेळाच्या माध्यमांतल्यान तरणाट्यांक आपले संस्कृती कडेन जोडपाचो यत्न कुंडय तपोभूमीक चलयला अशें खेळां मंत्री गोविंद गावडेन सांगलें. तपोभूमी शिक्षणीक, सामाजीक आनी आध्यात्मीक मळार काम करता. व्हॉलिबॉल सर्तीचें आयोजन करून तांणी एक पावल फुडें घातलां. खेळान भलायकी बरी उरता अशें ताणे फुडें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
