भांगरभूंय | प्रतिनिधी
कर्मचाऱ्यांनी घेतली मुख्यमंत्र्यांची भेट
दिवचल ः राज्यांत समग्र शिक्षा खाला काम करपी कर्मचाऱ्यांक जायतीं वर्सां थारावीक पगाराचेर रावचें पडटा. हे संबंदीं शिश्टमंडळान शेनवारा मुख्यमंत्र्यांक मेळून आपली विनवणी मांडली. मुख्यमंत्र्यांनी रोखडीच चर्चा करुन सगल्या बाराय ब्लॉकाच्या समग्र शिक्षा कर्मचाऱ्यांचो पगारांत वाड करतले अशें आश्वासन मुख्यमंत्र्यांन दिलें.
कितलींशींच वर्सां काम करपी कर्मचाऱ्यांक मर्यादीत पगार दितात. तातूंत पुरायपणान वाड करची अशी कर्मचाऱ्यांनी मागणी केली. तशेंच हेर सरकारी येवजण्यांचे फायदे तांकां दिवचे अशी विनवणी मुख्यमंत्र्यां कडेन केल्या. कांय कर्मचारी हांगा अठरा वर्सां काम करतात आनी ह्या उच्च शिकिल्ल्या संसाधन वर्गाक व्हड प्रमाणांत पगार मेळनाशिल्ल्यान तांकां हातूंतल्यान बेगोबेग थाकाय दिवची अशी मागणी बाराय ब्लॉकांतल्या समग्र शिक्षा कर्मचाऱ्यांनी मुख्यमंत्र्यां कडेन केली.
ह्या वेळार तांचे म्हणणें समजून घेवन बेगोबेग पगार वाडपा संबंदी फायलीक मान्यताय मेळटली अशें आश्वासन मुख्यमंत्र्यान दिलें. हे खातीर समग्र शिक्षा कर्मचाऱ्यांनी मुख्यमंत्र्यांचे खाशेले उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
