भांगरभूंय | प्रतिनिधी
-मुख्यमंत्र्या कडेन उलोवन तो सुटावो करतलेः तानावडे
पणजीः कला आनी संस्कृती खात्याच्या निधीच्या वाटप विशीं सभापती रमेश तवडकार आनी मंत्री गोविंद गावडे हांचे मदीं आरोप प्रत्यारोप सुरू आसात. हे संबंदी खासदार सदानंद शेट तानावडे हांणी भाजपाचे प्रदेश अध्यक्ष म्हणून आयज प्रसार माध्यमांक प्रतिक्रिया दिल्या. सभापती तवडकार आनी मंत्री गावडे हांचे मदलो वाद घरगुती आसा. आमी दोगांय कडेन उलोवन मुख्यमंत्र्या कडेन हे विशीं चर्चा करतले आनी हो वाद सुटावो करतले अशें तांणी सांगलें.
काणकोण मतदारसंघांतल्या 13 संस्थांक वट्ट 26 लाख रुपया वांटले. हो निधी मेळिल्ल्या संस्थांनी कसलोच कार्यक्रम केलो ना. हांतूत कला आनी सांस्कृती मंत्री गोविंद गावडे हाचो हात आसा असो आरोप खोतीगांवचे सरपंच आनंदू देसाय, पंच जयेश गांवकार आनी हेर पंचांनी केल्लो. ह्या प्रस्नाचेर आदारून सभापती तवडकारान मंत्री गावडेचेर गंभीर आरोप केल्यात. मंत्री गावडे हांणीय ताका प्रसार माध्यमा वरवीं जाप दिल्या. ह्याच विशयाचेर उलयतना खासदार तानावडे हांणी हो वाद घरगुती आसा. आमी दोगांय कडेन उलोवन मुख्यमंत्र्या कडेन हे विशीं चर्चा करतले आनी वाद सुटावो करतलें अशें स्पश्ट केले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
