भांगरभूंय | प्रतिनिधी
पणजी : सभापती रमेश तवडकार हांणी पक्षाचे उपाध्यक्ष आनी सुकाणू समितीचे वांगडी दत्ता खोलकार हांची भेट घेतिल्ल्यान राजकी मळार परतून चर्चा सुरू जाल्या. आपली भेट व्यक्तीगत आशिल्ली. मंत्रिपद वा राजकी चर्चा जावंक ना. व्यक्तीगत मळार चर्चा जाली, अशें सभापती तवडकार हांणी उपरांत सांगलें.
गोविंद गावडे हांकां मंत्रिपदावेल्यान काडले उपरांत मंत्रिपदाचो एक जागो खाली जाला. तवडकार हांचो मंत्री म्हूण सोपूतविधी निश्चीत आसा. मात सभापतीपद घेवपाक एक ज्येश्ट आमदारान न्हयकार दिल्ल्यान तांचो सोपुतविधी लांबणेर पडला. हे फांटभुयेर तवडकार हांणी अचकीत खोलकार हांची भेट घेतिल्ल्यान परतून विवीध चर्चा सुरू जाल्यात. मुख्यमंत्री डॉ. प्रमोद सावंत हे राज्या भायर आशिल्ल्यान राजकी मळार शांतताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
