भांगरभूंय | प्रतिनिधी
नवी दिल्ली खबरां संस्था: सप्टेंबराच्या पयल्याच दिसा गॅस सिलिंडराचें नवें दर जाहीर केलां. आयच्यान गॅस सिलिंडरांच्या दरांत व्हड वाड जाल्या. देखून आयच्यान गॅस सिलिंडरांचेर नवें दर लागू जातलें. ह्या दरा प्रमाण आतां वेवसायीक गॅस सिलिंडराचें दर ३९ रुपयांनी वाडयलां. हाका लागून देशभरांतल्या ल्हान व्हड वेवसायिकांक धक्को बसला. तशेंच सामान्य लोकांचेरूय हाचो परिणाम जातलो.
आयज जाहीर केल्ल्या नव्या दरा प्रमाण, आतां १९ किलोच्या वेवसायीक गॅस सिलिंडराचे किंमतींत ३९ रूपयांनी वाड केल्या. ताका लागून १९ किलोचो वेवसायीक गॅस सिलिंडर आयच्यान १ हजार ६९१ रुपयांनी मेळटलो. तेल कंपन्यांनी एलपीजी सिलिंडराच्या दरांत वाड करपाचो निर्णय घेतल्या उपरांत आयच्यान हें नवें दर लागू केलां.
मजगतीं, वेपारी गॅस सिलिंडराची किंमत ३९ रुपयांनी वाडिल्ल्यान सामान्य नागरिकांक परतून एक फावट चलन वाडिचो धपको बसतलो. आयज जाहीर केल्ल्या नव्या दरां प्रमाण आतां देशभरांत वेपारी गॅस सिलिंडरांचे दर वाडलां.
ही दर वाड फकत १९ किलो वेपारी सिलिंडराच्या दरांत जातली. मात घरगुती सिलेंडराच्या दरांत कसलेचो तरेचो बदल जावंक़ ना. तेल कंपन्यांनी फकत वेवसायीक सिलिंडराच्या दरांत वाड केल्या.
जाल्यार घरगुती १४ किलोच्या गॅस सिलिंडराचे किंमतींत कसलोच बदल जावंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
