भांगरभूंय | प्रतिनिधी
सनस्क्रीन लोशनाचें म्हत्व सगळ्यांक खबर आसा. त्वचा वैजांच्या मतान सनस्क्रीन लावप हो खंयच्याय पिरायेचेर कातीचें स्वरूप आनी भलायकेची राखण करपाक सगळ्यांत सोपो मार्ग. सनस्क्रीन नेमान वापरल्यार सनबर्न, कातीचो कॅन्सर आनी अकाली पिराय वाडप टाळपाक मजत जाता अशें अभ्यासांतल्यान दिसून आयलां. दर एका सनस्क्रीनांत सूर्य संरक्षण घटक (SPF) आसता, जो UVB नांवाच्या अल्ट्राव्हायोलेट उजवाडाच्या विशिश्ट भागापसून राखण करपाची तांक दाखयता.
खंयची सनस्क्रीन वापरची?
तज्ञांच्या मतान, UVB किरणां सनबर्न आनी कातीच्या कॅन्सराक जापसालदार आसतात. पूण, खंयचें सनस्क्रीन लोशन घेवचें तें कशें कळटलें? दिसपट्ट्या वापरा खातीर उण्यांत उणें 30 एसपीएफ आशिल्ली सनस्क्रीन निवडात, अशें त्वचा वैज सांगतात. पूण, तुमी भायर चड वेळ घालयतात जाल्यार एसपीएफ 60 वा ताचे परस चड उत्पादन आशिल्ली सनस्क्रीन निवडात.
जायते लोक जाय तितले सनस्क्रीन वापरनात आनी हो चड एसपीएफ कमी वापराची भरपाय करपाक मजत करता.
सनस्क्रीन केन्ना आनी कितलें?
सुर्याच्या हानीकारक किरणां पासून स्वताची राखण करपा खातीर सुमार 30 ग्राम सनस्क्रीन लावचें, जाका लागून तोंड, मान, हात, पांय आनी हेर उक्ते सुवातेर राखण मेळटली. तोंड आनी मान राखपा खातीर सुमार अर्द चमचो सनस्क्रीन वापरची पडटली.
खास करून पोंवल्या उपरांत वा घाम आयल्या उपरांत दर दोन वरांनी सनस्क्रीन परतून लावपाची अशें तज्ञ सांगतात. तुमी चडसो दीस घरांत रावतात आनी जनेलां पासून पयस बसतात जाल्यार तुमकां परतून सनस्क्रीन लावपाची गरज ना.
सनस्क्रीन कोणे वापरची?
दादले, बायलां आनी 6 म्हयन्यां वयल्या भुरग्यांनी दर दिसा सनस्क्रीन वापरचें. हातूंत सहजपणान टॅन जावंक नाशिल्ल्या लोकांचो आस्पाव जाता. याद दवरात, तुमच्या जिवितांत सुर्याक लागून तुमची कात इबाडटा.
6 म्हयन्यां परस ल्हान भुरगीं फकत अपवाद आसात; तांची कात खूब संवेदनशील आसता. सुर्या पसून पयस रावचें; सावळेंत रावप आनी सुर्या पसून राखण दिवपी कपडे घालप हे भुरग्यांची राखण करपाचे सगळ्यांत बरे उपाय.
अशी जतनाय घेयात
फकत सुरक्षीत रावपा खातीर तुमच्या मेजाचेर सनस्क्रीनाची अतिरिक्त बाटली दवरात. खंयचीच सनस्क्रीन पुराय ना हें लक्षांत घेवप म्हत्वाचें, आनी देखून, रूंद तोपी, सनग्लासेस वा हेर संरक्षणात्मक कपडे घालचे आनी शक्य आसल्यार चड संरक्षण मेळोवपा खातीर सावळी घेवची. म्हणल्यार शक्यतो सांवळेक रावचें. म्हत्वाचें काम आसलें जाल्यारुच घरा भायर सरचें. शक्यतो सकाळीं ११ ते दनपरां ४ मेरेन वतान भोंवचें न्हय.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
