भांगरभूंय | प्रतिनिधी
गोंयांत बेगीनूच राष्ट्रीय सर्त घडोवन येतली. हाचें उक्तावण मानादिक प्रधानमंत्री नरेंद्र मोदीजी करपाचे आसात. हालींच चीनांत आशियायी सर्ती जाल्यो. तातूंत भारताच्या पंगडान घसघशीत यश मेळयलें, 107 पदकां मेळून विक्रम केलो. हाचे पयलीं आमकां 70 पदकां मेळिल्लीं. आमच्या सरकारान हातून लक्ष घालून खेलो इंडिया, साग सारके उपक्रम सुरु करून खेळाक बरे दीस हाडले अशें म्हणू येता. आतां गोंयांत राष्ट्रीय पांवड्या वयली खेळ सर्त जातली. हातून 28 राज्यां, 8 केंद्रशासित प्रदेशांतले खेळगडी वांटेकार जातले. हे फावटीचे सर्तींत 43 खेळां प्रकार आसतले. तातूंतले गोल्फ, सायकलिंग सोडले तर हेर सगले प्रकार गोंयांतल्या वेंचिक केंद्रांनी जातले. देखीक नेहरू स्टेडियम फातोड्डें, कांपाल स्टेडियम, पणजे, पेडे म्हापशें स्टेडियम आनी हेर कडेन. आमच्या खेळगड्यांनी वांटेकार जातना भायल्या खेळगड्यां लागीं भासाभास जरूर करची. आतां तर गोंयान खेळां विद्यापीठ जावं शकता. शिक्षणिक मळार जर विचार केलो तर ही गजाल चड उमेद दिवपी. एनआयटी सद्या फर्मागुडी चलता, ती आतां जानेवारी सावन नवे सुवातेर वतली.
फाटीं केरळ, गुजरात आनी आतां गोंयांत ह्यो सर्ती जाता. खाशेली गजाल म्हळ्यार हे खेपो वट्ट 43 खेळां प्रकार आसात. हो विक्रम. पयलीं फक्त 33 प्रकारुच आसताले. अंदूंच्या 43 प्रकारांतले दोन प्रकार सायकलींग आनी गोल्फ हे दिल्लीक जातले. फाटले सर्तींन गोंय पंगडाक पांचूच पदकां मेळिल्लीं. अंदुचे सर्तींत हो आकडो चड आसपाक जाय. आमचो भारत संघ जेन्ना चीनाक आशियायी खेळांत वांटो घेवपाक गेलो, ताचे पयलीं ‘इस बार सौ पार’ अशें तांच्या मनांत आसलें. 107 पदकां तांणी मेळयलीं. आमचो हॉकी पंगड परतून एकदा त्या खेळाक भांगरा दीस हाडपा खातीर वावुरता. हाका सरकाराची मजत जशी आसा तशी ओडिसा सरकाराचो वांटो आसा. बरो खेळ करपी खेळगड्यांचो लेगीत वाटो आसा . ह्या सर्तीचो खेळगडी जरूर लाव घेतले पूण जाका ह्या फांट्यान येवपाचें आसा तांणी लागींच्या केंद्रांत वचून हे खेळ पळोवपाचे. खेळां भितर तुमकां सराव महत्वाचो आसता.
आनीक एक फांटो, जंय सदांच सराव जाय पडटा. तो म्हळ्यार संगीत. कला अकादमीचें काम चालू आसा. तांणी शास्त्रीय गायन, पेटी, तबलें, नाच हाच्या प्रवेशा खातीर अर्ज मागयल्यात. तुमकां खबर आसतली की पोलिटेक्निकच्या वाठारान हे वर्ग व्हेल्यात. त्या खेरीज पेडणे, साखळी, वाळपय, काणकोण, केपें, सांगें सारक्या केंद्रांनुय तुमकां कला अकादेमीचे वर्ग चलतात. तुमकां पयस पडटा जाल्यार ह्या केंद्रानुय तुमी प्रवेश घेवं शकतात. हांगा नेमिल्लो मार्गदर्शक तुमकां मजत करूं शकता. राजू बर्वे, प्रचला आमोणकार, नारायण मेस्त, अमित भोसले, समृद्धी थळी हे मार्गदर्शक तुमकां जरूर मजत करूं शकतले. थंय पेटी, तबलें, गायन शिकपाक मेळटलें. खेळ जावं, संगीत ह्या दोनूय फाट्यांक संयम तर जायच, पूण मुखेल गजाल म्हळ्यार सराव जाय. तो नासत तर तुमका करियर करप कठीण वचूं येता. तेन्ना हो फाटो घेवपी उमेदवारांनी ही संद चुकोवपाक फाव ना. शिक्षण खात्यानुय ही सर्त भुरग्यांनी पळोवची म्हूण यत्न केल्यात. आमचे एथलेटिक्स जावं बॅडमिंटन वा सगळे पंगड पदकां हाडपाचो यत्न करतात. तांकां येश मेळुं
गोंय विद्यापीठ पाली भाशेंतलो अभ्यासक्रम सुरु करता. तुमकां खबर आसतली की धर्मानंद कोसंबी हांचें मुळावें गांव सांकवाळ. पणजे जो दामोदर कोसंबी महोत्सव दरवर्सा आसता ते तागेले पूत. एन आय टी जानवारी सावन कुंकळ्ळेच्या नव्या सुवातेर वचपाचें आसा. अंदुं बी टेक जाल्ले 157 तर एम टेक जाल्ले 52 विद्यार्थी आसात. पी एच डी विद्यार्थी 11 आसात. संगणक, विज्ञान आनी अभियांत्रिकी इलेक्ट्रॉनिक्स आनी संवाद इलेक्ट्रिकल आनी इलेक्ट्रॉनिक्स अभियांत्रिकी हांच्या वांगडा हांगां अर्थशास्त्र, वेदिक गणित लेगीत शिकपाक मेळटा. हे विशय शिकोवपाक फुडल्या वर्सा सावन मार्गदर्शक आसतले. बी टेकचो एक विद्यार्थी मंदार पताडे हाका 26 लाख तर एम टेकचो मेघदंत कोरगांवकांर हाका 37 लाखांची नोकरी कॅम्पस मुलाखतींतल्यान मेळ्ळ्या.
प्रा रामदास केळकार
9822583275
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
