भांगरभूंय | प्रतिनिधी
जायते फावट तुमच्या भोंवतणी घडपी घडणुकांक लागून तुमचो मूड बदलता. तुमचे दिसपट्टे जिणेंत घडपी वेगवेगळ्यो गजाली केन्ना केन्ना राग हाडटा आनी केन्नाय खोशी रावचें अशें दिसता.
ताका लागून फकत मूड स्विंग जाता जाल्यार हें सामान्य न्हय. अचकीत मूड स्वीग जावप हें एके तरेचें दुयेंस जावंक शकता. बॉर्डरलायन पर्सनॅलिटी डिसऑर्डर वा बीपीडी हें गंभीर मानसीक दुयेंस जावन आसा. ताचो सरळ संबंद मूड, वागणूक आनी नातें संबंदा कडेन आसता. बीपीडी आशिल्ल्या लोकांक हेरांक समजून घेवपाक त्रास जाता. अशा व्यक्तींच्या भावनांचेर नियंत्रण दवरप कठीण. त्या वेळार ड्रग्स सेवन करून स्वताक लुकसाण करप, वेगान गाडी चलोवप सारकिल्ल्यो गजाली अशे व्यक्ती करतात.
मानसीक तरेन थकप म्हणल्यार कितें?
हो एक दुर्बळ करपी रोग. परंपरीक उपचार आनी वखदां सयत योग्य उपचार केल्यार बीपीडी आशिल्ल्या लोकांक आपलीं लक्षणां वेवस्थापन करूं येतात आनी पुराय जीण जगपाक मेळटा. सगळ्यांत म्हत्वाचें म्हणल्यार ताका मानसीक बुन्याद दिवप गरजेचें. पयली गजाल लक्षांत दवरची म्हणल्यार बीपीडी हो व्यक्तीचो दोश वा दुबळेंपण न्हय. ही गंभीर परिस्थिती आनी अशा मनशाक योग्य रितीन समजून घेवपाची आनी माया आनी आपलेंपण दाखोवपाची गरज आसा. जागृत जावन आमी बीपीडी विशीं आशिल्ले गैरसमज नक्की सुदारपाक शकतात आनी समस्या ग्रस्त आशिल्ल्या मनशाक आदार दिवंक शकतात आनी तांकां आपलें जिवीत जगपाची दिका दिवंक शकतात.
बॉर्डरलाय पर्सनॅलिटी डिसऑर्डर
बॉर्डरलाय पर्सनॅलिटी डिसऑर्डरची लक्षणां आशिल्ल्या व्यक्तीचेर चड करून पिशें आशिल्ल्याचो आरोप करतात. बीपीडीचीं कारणां म्हळ्यार खर भावनीक बदल, संबंदांत अडचणी आनी सोडून दिवपाची भिरांत.
स्वताक उणें लेखप
१. बॉर्डरलाय पर्सनॅलिटी डिसऑर्डरचीं म्हत्वाचें लक्षण म्हळ्यार स्वताची प्रतिमा आनी वळख नश्ट जावप. समजून घेवप कठीण जाता. बीपीडी आशिल्ल्या लोकांचें एक वेगळेंच जग आसता. जायते फावट अशे लोक आपल्याचेर चड आत्मविस्वास दवरतात वा स्वताक खूब उणें लेखतात.
२. एकटेपण
उदासीनताय ही सैमीक गजाल. पूण बीपीडी आशिल्ल्यांक एकटेपणाची खर भावना आसता. ताचो परिणाम स्वता भितर मुर्खपणां, नात्यांत रिकामेंपण, समाधानी जावप ना. देखून असो मनीस ड्रग्स घेवन, बेपर्वा वागून आनी भावनीक वायट तरेन वागून स्वताचें लुकसाण करता.
३. राग नियंत्रीत करपाक कठीण जावप
राग नियंत्रीत करप आव्हानात्मक दिसूं येता. बॉर्डरलायन पर्सनॅलिटी डिसऑर्डर (इझऊ) म्हळ्यार रागाचेर नियंत्रण नासता. भावनीक विकृतताय हें बीपीडीचें आनीक एक लक्षण. ताका लागून जायत्या जाणांक चडांत चड खर भावनांक तोंड दिवचें पडटा. तांकां राग येवप धोक्याचें जावंक शकता.
४. त्यागाचो भंय
बॉर्डरलाय पर्सनॅलिटी डिसऑर्डरचें दुयेंस आशिल्ल्या लोकांक त्यागाचो भंय हें आव्हानात्मक लक्षण जावंक शकता. परिणाम संबंद तिगोवन दवरपा खातीर खर यत्न जावंक शकतात. केन्नाय तुमी कितेंय नवें करपा विशीं वायट निर्णय घेवपाक शकतात.
५. नात्यांत अस्थिरताय
जायते फावटीं तांची वृत्ती खूब बरी वा खूब वायट आसूं येता. तशेंच सतत संदेश वा फोन करप, धमक्यो वा आरोप करप, दोश दिवप वा हाताळणी करप. बीपीडीच्या उपचाराक सारके उपचार मेळनात. उपचार, वखदां आनी प्रिय व्यक्तींच्या आदारान बीपीडी आशिल्लो मनीस एक बरें जिवीत जगूंक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
