भांगरभूंय | प्रतिनिधी
संत ज्ञानेश्वरान म्हणिल्लें, ‘सत्याची आदीं फकांडां जातालीं आनी अजूनय जातात.’ हाचो अर्थ सत्य सदांच कांय लोकांचो उपहास आनी विरोधाचो विशय जावन आसा. हें आदल्या काळांत, तेराव्या शेंकड्यांत घडलां आनी आयज लेगीत घडटा. हाचो अर्थ लोकांक सत्य मान्य ना वा तें मान्य करपाक कठीण जाता, देखून ते ताचीं फकांडां करतात वा ताचे कडेन आडनदर करतात.
खऱ्या विचारांक आनी तत्वगिन्यानाक समाजाचो विरोध जाता, होय संत ज्ञानेश्वराक त्या काळांत अणभव आयलो. आयज लेगीत अशें घडटा. आयज लेगीत जायते जाण सत्याक विरोध करतात.
संत ज्ञानेश्वर हे एक व्हड संत आनी तत्वज्ञ आशिल्ले. तांणी ‘ज्ञानेश्वरी’ (भावार्थदीपिका) आनी ‘अमृतानुभव’ सारकिल्ले व्हड ग्रंथ रचले. समाजान ज्ञानेश्वराक समाधी घेवपाक लायली. किद्याक? मेल्ल्या मनशांक जिवंत करपाची तांक ताचे कडेन आशिल्ली. मागीर ज्ञानेश्वरान स्वता समाधी कित्याक घेतली? संद सोदपी लोकां कडेन हाची जाप आसा काय?
संत ज्ञानेश्वराचें हें उतारे आमकां सांगता की सत्य सदांच सोंपें न्हय. कांय जाणांक तें मान्य करपाक कठीण जावं येता, पूण तरी लेगीत तें सत्य आनी ताचेर विस्वास दवरप म्हत्वाचें. तरी लेगीत सत्य हो एक खेळ.
विठ्ठलपंत आनी रुक्मिणी हांणी न्हंयेंत उडी मारून जीव अर्पण केलो. ही समाजीक ख्यास्त योग्य आशिल्ली काय? अशें केल्यार आपल्या भुरग्यांचेर जावपी अन्याय थांबतलो आनी समाजा कडल्यान तांकां मान्यताय मेळटली अशी तांची अपेक्षा आशिल्ली. तरी लेगीत ‘सत्या’कच समाधी घेवची पडली. चारूय भांवडांनी समाधी घेतली.
संत ज्ञानेश्वराचें हें उतारे आमकां सत्याचें आनी ताचेर विस्वास दवरपाचें म्हत्व शिकयता. पूण सद्याची व्याख्या बदलल्या काय? आयज देवा परस पयशे व्हड आनी मनीस पयशां परस व्हड! मनीस व्हड जावपाक खंयच्याय पांवड्यार वचूंक शकता. एक प्रतिनिधी विचारता, ‘तुं तुज्या आज्याचो नातू कसो? तुका वसीयत आसा?’ म्हजो आजो गांवचो सरपंच आशिल्लो हें गांवच्या लोकांक आनी त्या प्रतिनिधीकय खबर आसा. मागीर तांणी सत्य लिपोवपाचें धाडस कित्याक केलें आसत? हाचे फाटलें कारण- पयसो.
‘पुष्पक विमान’ परत जावंक शकता?
सनातन भारतांत आमी योग करतात. जायते लोक अध्यात्मिक रितीन हालचाल करतात. पवित्र योगा वरवीं पुष्पक विमाना सारकें विमान तयार जावंक शकता? पुष्पक विमाना हें झुजारी विमान. तातूंत जायतीं खाशेलपणां आशिल्लीं. पुष्पक विमानाची म्हायती रामायणांतल्या सुंदरकांडाच्या सातव्या अध्यायांत मेळटा. ताचो आकार मोरावरी आशिल्लो. उजो आनी हवेच्या उर्जेच्या आदारान तें उडटालें. ताचें तंत्रगिन्यान इतलें उत्कृश्ट आशिल्लें की ताचो आकार उणो आनी व्हडूय करूं येतालो.
रावण आपल्या पुराय सैन्या वांगडा ह्या विमानांत उडून वचूंक शकतालो अशें म्हण्टात. पायलटाच्या इत्से प्रमाण, पुष्पक विमान गती उखलपाक शकतालें. मनाच्या वेगान तें उडपाक शकतालें. म्हणल्यार फकत विचार करून तें जाय त्या जाग्यार पावूंक शकतालें. सगळ्या दिकांनी तें उडपाक शकतालें. ह्या विमानांत भांगराचे खांबे आशिल्ले अशें म्हण्टात. ताच्या पावलांचेर मोलादीक रत्नां आशिल्लीं. ह्या विमानांत नीलमाच्या आदारान तयार केल्लें सिंहासन आशिल्लें. विमानांत बसपा खातीर जायत्यो बशयो तयार केल्ल्यो. पुष्पक विमान दिसाचें तशेंच रातच्या वेळार उडपाक शकतालें. तें रिमोट कंट्रोलान चलपी विमान सारकें आशिल्लें. पुष्पक विमान मंत्रांनी ओतप्रोत आशिल्लें अशेंय म्हण्टात. विमानाचे पायलट ते मंत्र जपतालो तेन्ना तें उडटालो. पुराण कथां प्रमाण पुष्पक विमान फकत एका जाग्या सावन दुसऱ्या जाग्यार वचूंक शकतालें, तशेंच तें हेर गिऱ्यांचेरुय भोंवपाक शकतालें. म्हणजेच तें एके तरेचें अंतरिक्षयानूच आशिल्लें.
झुजांत भगवान श्रीरामान रावणाचो वध करून लंका जिखून घेतिल्ली. पुराण कथां प्रमाण झुजा उपरांत श्रीरामान विमानाची पुजा करून हें दिव्य विमान कुबेराक परत केलें. कुबेरान तें भगवान श्रीरामाक दान म्हणून दिलें. उपरांत पुष्पक विमानांत भगवान श्रीराम, सीतामाता आनी लक्ष्मण अयोध्येक पावले. आयज अशें विमान अस्तित्वांत आसलें जाल्यार घडये अपघात जावचे नाशिल्ले. असलीं विमानां कित्याक नात आनी खंय गायब जालीं हाचो पुराय विचार करचो पडटलो. सनातन हो एक सत्य विचार. सनातन हो परब्रह्म. सनातन म्हणल्यार परमात्मा. सनातन म्हणल्यार पवित्र धर्म. पवित्र धर्म म्हणल्यार पवित्र कर्म.
राजेश बाणावलीकार,
वेगासवाडो, हडफडे
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
