भांगरभूंय | प्रतिनिधी
वाळपय: सत्तरी मल्टीपर्पज को-ऑपरेटिव्ह क्रेडिीट सोसायटीच्या २९ वे वर्सुकी सर्वसाधारण बसकेंत संस्थेचे चेअरमन वासुदेव परब हांणी भागधारकां खातीर १२ टक्के लाव जाहीर केला. अंदूं हे संस्थेक ३ कोटी ३८ लाख रुपयांचो फायदो जाला.
वाळपय लक्ष्मीबाई मेमोरियल सभाघरांत संस्थेची २९ वी वर्सुकी बसका हालींच जाली. ह्या वेळार अध्यक्ष म्हूण संस्थेचे चेअरमन वासुदेव परब, वायस चेअरमन कृष्णा गांवस, संचालक प्रेमनाथ हजारे, श्रीपाद सावंत, सपना परब, अंकिता गांवस, ऍड. यशवंत गालस, ऍड. काशिनाथ माळशेकार, म्हाळू गांवस, नितीन शिवडेकार, गोविंद कोरगांवकार हजर आशिल्ले.
वासुदेव परब हांणी सांगलें, २९ वर्सां पयलीं सत्तरी म्हालांतल्या समविचारी तरणाट्यांनी एकठांय येवन हे संस्थेची स्थापना केली. खुबश्या जाणांनी हे संस्थेचे उदरगती खातीर म्हत्वाचें योगदान दिलां. आयज हे संस्थेचे १४ फांटे कार्यरत आसात. गिरायकांचें समाधान हो मुखेल हेत आशिल्ल्यान संस्थेची फाटल्या कितल्याशास वर्सां सावन उदरगत जायत आसा. सध्या संस्थेक जो फायदो जाला, तातूंत येवपी काळांत हातूंत भर पडटली अशें तांणी सांगलें.
ठेवीचेर एक टक्को व्याज वाडयलें
संस्थेन अंदूं भागधारक आनी वांगड्यांक फायदो जावचो म्हणीन संस्थे कडेन येवपी कायम ठेवीचेर एक टक्क्यान व्याज वाडयलां. तशेंच रिणाचेर एक टक्के व्याज देंवयला. दर म्हयन्याक संस्था पांच ते सात कोटी मेरेन रीण वाट्टा. थकबाकी वसुलीचेर विशेश लक्ष दिल्ल्यान संस्थेची उदरगत जाल्या. सध्या संस्थे कडेन २८४ कोटींच्यो कायम स्वरूपी ठेवी आसात. संस्थेचे भाग भांडवल २८२ कोटी आसा, अशें तांणी मुखार सांगलें
संस्थेच्या संचालक मंडळाची बसका म्हयन्याक दोन फावटी जाता. हाका लागून संचालक मंडळाच्या पोरूंचे बसकेच्या भत्त्याची रक्कम सुमार आठ लाख रुपया जाली. हे विशीं वर्सुकी बसकेंच बरीच व्हड चर्चा जाली. भत्त्याचेर नियंत्रण हाडचें अशें कांय जाणांनी म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
