भांगरभूंय | प्रतिनिधी
भांगरभूंय । प्रतिनिधी
वाळपयः सत्तरी तालुको बायल शक्ती अभियान अध्यक्षपदार ठाणे पंचायतीची सरपंच सरिता गांवकार हिकी बिनविरोध निवड जाली. होंड्याची पंच वांगडी निलिमा शेटे हिची सचीव म्हणून नियुक्ती केल्या.
वाळपय बीडीओ कार्यालयांत जाल्ले बसकेंत समिती वेंचून काडली. पंचायत खात्यान दरेका तालुक्यांत बायल शक्ती अभियानाची समिती स्थापन करपाक सांगलां. ते खातीर आपयल्ले बसकेंत सत्तरी तालुक्यांतल्या पंचायतींत पंच म्हणून वेंचून आयिल्ल्यो 64 बायलो हाजीर आशिल्ल्यो. बीडीओ सूर्याजीराव राणे हांच्या फुडारपणा खाला समिती खातीर वेंचणूक जाली. उपाध्यक्ष म्हणून केरीची सरपंच दीक्षा गावस हिची निवड केल्या. जोड सचिवपदार संतोषी नायक, भांडारी म्हणून पर्येची पंच वांगडी विदिशा गोसावी, आनी जोड भांडारी म्हणून मोर्लें पंचायत वांगडी रंजना गांवस हिका वेंचून काडलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
