भांगरभूंय | प्रतिनिधी
भांगरभूंय । प्रतिनिधी
वाळपयः फाटल्या कांय म्हयन्यां सावन बिलां फारीक केलीं ना अशी सत्तरी तालुक्यांतली वट्ट 100 उदका नळ कनेक्शना बांदकाम खात्याच्या वाळपयच्या उदका पुरवण कार्यालयान तोडलीं. सरकाराच्या एक रक्कमी येवजणे खाला (ओटीएस) उदका बिलांचें पयशे भरपाचो मंगळारा निमाणो दीस आशिल्लो. ज्यांची बिला फारीक करपाचीं आसात तांची नळ कनेक्शना तोडल्यात.
वाळपयच्या कार्यालयांत बिलांची रक्कम भरपाक लोकांनी गर्दी केल्ली. जाची कनेक्शनां तोडल्यात तांणी ओटीएसाक मुजत वाड दिवपाची मागणी केल्या. लोक उदकाची बिलां भरनात. ती भरपा खातीर सरकारान ओटीएस येवजण सुरू केल्ली. नोटिसो धाडून लेगीत दिल्ले मुजतींत बिलां भरूंक नाशिल्ल्याची कनेक्शना तोडपाचो निर्णय उदका पुरवण विभागान घेतलो. ओटीएसाच्या निमण्या दिसा लोक बिलां भरपाक आयले तेन्ना तांकां ती ऑनलायन भरपाक सांगलें
जांणी फाटल्या कितल्याश्याच म्हयन्यां सावन बिलां भरलीं ताकां ती भरपा खातीर नोटिसो धाडिल्ल्यो. तरीय तांणी बिलां भरपा कडेन आडनदर केली. म्हणून कनेक्शना तोडल्यांत अशे वाळपयच्या उदका कार्यालयांतल्या महसूल विभागांतल्या अधिकाऱ्यांनी सांगले
तोडिल्ली कनेक्शना केन्ना परत जोडून दितले हें सांगपाक जायना अशें तांणी सांगलें. ओटीएस येवजणेक मुजत वाड दिवंन बिलां भरपाची संद गिरायकांक दितले कांय ना हे विशीं आमकां कांय खबर ना. सरकारा फावो तो निर्णय घेवपाक शकता अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
