भांगरभूंय | प्रतिनिधी
भांगरभूंय । प्रतिनिधी
वाळपयः सत्तरी तालुको पांवड्या वयल्या अंडर-17 शालेय टॅनीस बॉल क्रिकेट सर्तीत वाळपयच्या हनुमान विद्यालयान वस्तादपण मेळयलें. गोंय सरकाराच्या युवा वेव्हार आनी खेळा खात्या वतीन कोपर्डे मैदानार ही सर्त जाली.
फायनलींत भुईपाल सरकारी माध्यमीक विद्यालयाक हारोवन हनुमान पंगड जैतिवंत थारलो. फायनलींत हनुमान विद्यालय पंगडान 33 धांवड्यो केल्यो. तातूंत सचीन नायक हाणे 15 आनी रुद्रेश गांवस 7 आनी प्रयुष गांवकारान 6 धांवड्यो काडल्यो. भुईपाल पंगडाच्या डावांत संचीत नायकान तीन जाल्यार रुद्रेश गांवस आनी रोहित गांवकारान दरेकी दोन विकेटी घेवन पंगडाक जैत मेळोवन दिलें.
विद्यालयाचो पीटी शिक्षक पांडुरंग गांवकार हाणे पंगडाक प्रशिक्षीत केल्लें. सत्तरी तालुको खेळां आयोजक दिलीप गांवकार फायनल मॅचीक हाजीर आशिल्लो. विद्यालयाची मुख्याध्यापिका सुविद्या बर्वे आनी पालकांनी जैतिवंत पंगडाक परबीं भेटयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
