भांगरभूंय | प्रतिनिधी
भांगरभूंय । प्रतिनिधी
केरी-सत्तरीः सत्तरी साहित्य मंथनाची बसका हालींच सातोडें वाळपय हांगा राजू बर्वे हाच्या घरांत जाली. 2023-25 वर्सा खातीर मंथनाची नवी कार्यकारी समिती वेंचून काडली. ह्या वेळार एकमतान काशिनाथ नायक हांची अध्यक्ष म्हणून निवड केली. उपाध्यक्ष म्हणून मकरंद बर्वे आनी सचीव म्हणून महादेव गांवकार हांका वेचून काडलें. मनिषा गांवस समितीची भांडारी आनी वांगडी म्हणून डॉ.प्रकाश पर्येकार,गोपिनाथ गांवस, नमन सावंत, सारिका नायक,समीर प्रभू,अशोक नेने, संजय सालेलकार,लाडको कुरतडकार,राघोबा पेडणेकार,गणेश शेटकर आनी संयोजक म्हणून समीक्षा शिरोडकराक जापसालदारी दिल्या.
संस्था रजिस्टर करपाची जापसालदारी नवे कार्यकारी मंडळान घेतल्या. संस्थेचो वर्धापन दीस, साहित्य चेतना अंक काडप आनी साहित्य मंथन कार्यावळ शेनवार 29 जुलयाक सांजे 3.30 वरांचेर वाळपयच्या सरकारी माध्यमीक विद्यालयांत करपाचें थारलें. निमंत्रीत कवीचें संमेलन घेवपाचें थारलें. तिसऱ्या ग्रामीण साहित्य संमेलनाचो हिशेब बसकेंत माडंलो. साहित्य मंथनाचे वांगडी करून घेवपा खातीर गुगल फॉर्म पद्दतीन काम करपाची जासपालदारी समीर प्रभू हांणे घेतल्या. संस्थेचो क्यूआर कोड तयार करपाची जापसालदारी भांडारी मनिषा गांवस हिणे घेतल्या.
बसकेंत फुडल्या वर्साच्यो कार्यावळी थारयल्यो. साहित्य मंथनाच्यो बसका डॉ प्रकाश पर्येकार आनी प्रियांका, समीर प्रभू, गोपीनाथ गांवस, सारिका नायक, समिक्षा शिरोडकार, काशिनाथ नायक, महादेव गांवकार हाच्या घऱांत घेवपाचें थारलें. किर्ती बर्वेन नव्या अध्यक्षाक येवकार दिलो. राजू बर्वेन उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
