भांगरभूंय | प्रतिनिधी
पणजी : व्हाळवाट न्हंयेंत पर्यें (सत्तरी) वाठारांत 10 व्या शेंकड्यांतली गजलक्ष्मीची मुर्ती सांपडली. तिचेर कलात्मक शैली, कदंब चिन्नां, पौराणीक दोन तकली आशिल्लें सवणें गंडाबेरुंडा आसा. हे मुर्तेचीं खाशेलीं विशिश्टां पळयल्यार ती कदंब काळांतली आशिल्ल्याची पुश्टी मेळटा अशें तज्ञ म्हणटात.
दायज सांबाळपी तज्ञ, अभ्यासक, पर्यावरणवादी डॉ. राजेंद्र केरकार हांणी हें शिल्प सोदून काडलां. गोंयच्या इतिहासाक कदंब राजवंशा कडेन एक म्हत्वाचो सोद मानतात. हे मुर्तीची शैली 10 व्या शेकड्यांतली. ही मुर्ती तांच्या गुंतागुंतीच्या तपशीलां खातीर आनी कदंब चिन्नां, पौराणीक दोन तकल्यो आशिल्लें गंडाबेरुंडा सवणें मदींच आशिल्ल्या मुखेल स्थाना खातीर फामाद आसा. हें चिन्न हेर राजवंशांनीय वापरिल्लें. मात, गोंयांत मेळिल्ली ही मुर्ती कदंब काळांतली, अशें तज्ञ म्हणटात. वैष्णव पंथाच्या महान परंपरेचें प्रतिनिधीत्व करता आनी कदंब काळांतली एक दुर्मीळ कलाकृती आशिल्ल्याचें तज्ञांचें म्हणणें आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
