भांगरभूंय | प्रतिनिधी
संघटणेचो मुखेली फरारः साबार कार्यकर्ते रडाराचेर
भांगरभूंय । प्रतिनिधी
वाळपयः पुराय देशांत पॉप्युलर फ्रंट ऑफ इंडिया (पीएफआय) संघटणेच्या कार्यकर्त्यांचेर धाडी घालपाचें सत्र चालू आसा. गोंयांत दोन दिसां आदीं हे संबंदांत कारवाय सुरू केल्या. वाळपय शारांत आनी सत्तरी म्हालाच्या वेगवेगळ्या वाठारांनी पीएफआयचो वावप लिपचोरयां सुरू आशिल्ल्याची म्हायती मेळ्ळ्या.
पीएफआय संघटऩेंत काम करपी कार्यकर्त्यां मदीं भिरांतीचें वातावरण पातळ्ळां. सध्या ते कार्यकर्ते सरकाराच्या कारवायेच्या रडाराचेर आशिल्ल्याची म्हायती मेळ्ळ्या. तांकां खंयच्याय खिणाक ताब्यांत घेवपाची शक्यताय आसा.
पीएफआय संघटणेचो मुखेली अनीश अहमद सध्या फरार आसास. ताका धरचे खातीर सरकारी यंत्रणां नेटान वावराक लागल्या. ताका धरले उपरांत हे संघटणेच्या गोंयांतल्या साबार कार्यकर्त्यांक अटक जावपाची शक्यताय आसा. कांय वर्सां आदीं वाळपय शारांत पीएफआय संघटणेच्या कार्यकर्त्यांनी मोर्चो काडिल्लो. त्या वेळार सत्तरींत हे संघटणेचो वावर व्हड प्रमाणांत सुरू आशिल्ल्याचें उजवाडाक आयिल्लें. तेन्नाच्यान हे संघटणेच्या कार्यकर्त्यांचेर सरकाराचे तपास यंत्रणेची विशेश नदर आशिल्ली. वाळपय पालिका वाठारांत हे संघटणेचे कार्यकर्ते शिंपडल्यात. आतां मेरेन सत्तरी म्हालांतल्यान सुमार 10 जाणांक ताब्यांत घेतल्यात. सध्या बांगलादेशी घुसखोसांचो प्रस्न गोंयांत आनी देशांत गाजता.
‘पीएफआय’ संबंदांतले चवकशेक गती
थळावे पुलीस यंत्रणे कडल्यान पीएफआयची चवकशी नेटान सुरू आसा. हे संघटणेचो वावर कसो चलता आनी तातूंत कोणाकोणाचो हात आसा, हे संबंदांतली म्हायती एकठांय करपाचो आदेश केंद्र सरकाराच्या माध्यमांतल्यान दिला. ठोस पुरावे मेळटाच हे संघटणेच्या कार्यकर्त्यांच्या तपासाक गतीन मेळटली, अशी म्हायती मेळ्ळ्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
