भांगरभूंय | प्रतिनिधी
विवीध कारणां खातीर ६९ अर्ज भायरायले
पणजी : रानां हक्क दाव्यांचे अर्ज निकालांत काडपी जिल्लो समितीन सत्तरी म्हालांतल्या १४९ अर्जां मदल्या ८० अर्जांक मान्यताय दिली. विवीध कारणां खातीर ६९ अर्ज भायरायले. उत्तर गोंयचे जिल्लोधिकारी अंकीत यादव हांणी ही म्हायती दिली.
रानां हक्क दाव्यांचे अर्ज (एफआरसी) निकालांत काडपा खातीर जिल्लो समितीची (डीएलसी) आयज बसका जाली. माळोली, गोळावली, कोदाळ, देरोडे हांगच्या अर्जांचेर विचार जावन निर्णय जालो.
गोळावलीच्या ६, कोदाळच्या १५ जाल्यार देरोडेंतल्या ५८ अर्जांक मान्यताय दिली. कोदाळेंतलो १ अर्ज रानां खात्याकडेन स्पश्टीकरणा खातीर धाडला.
माळोलींतले ४० अर्ज दावो करपी अर्जदारांनीच फाटी घेतले. हाका लागून तांकां मान्यताय मेळूंक ना. गोंय रानां उदरगत म्हामंडळाच्या जाग्यांचेर लागवड केल्ले २९ अर्ज आशिल्ले. हे अर्ज भायरायले, अशी म्हायती जिल्लोधिकार्यांनी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
