भांगरभूंय | प्रतिनिधी
भांगरभूंय । प्रतिनिधी
वाळपयः सत्तरी तालुक्यांतल्या न्हंयांचेर स सुवातांनी अतिरिक्त बंधारे बांदपाचो प्रस्ताव वाळपयच्या उदका शिंपणावळ कार्यालयान तयार करून सरकाराक धाडल्यात. उदक आडयात, उदक जिरयात ह्या उपक्रमा खाला हें बंधारे बांदतले. सरकारान प्रस्ताव मंजूर केल्या उपरांत कामाक सुरवात करतले अशें अधिकाऱ्यांनी सांगलें.
सत्तरींतल्या चडश्या न्हंयांचेर उदका स्रोत खात्यान बंधारे बांदल्यात. कर्नाटक सरकारान न्हादयचें उदक घुंवडावपाचो यत्न चलयल्ल्यान फुडाराक उदकाची साठवणूक करपाचे नदरेन हे बंधारे बांदपाचें काम जातलें. बंधारे बांदपाच्या सुवांताचें हालींच सर्वेक्षण केलां. व्हाळवटी, म्हादय, वेळूस आनी रगाडा व्हो मुखेल न्हंय आनी तांच्या उप न्हंयांचेर हे अतिरिक्त बंधारे बांदतले. उदका स्रोत खात्याचो मंत्री सुभाष ,शिरोडकार हाणी अतिरिक्त बंधारे बांदपाच्या कामांक सहकार्य दिवपाचें उतर दिलां. उदकाच्या सााठ्यांत वाड जाल्यार सत्तरींतल्या जैवविविधतायेक ताचो सामको बरो उपेग जातलो अशें उदका स्रोत खात्याच्या अधिकाऱ्यांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
