भांगरभूंय | प्रतिनिधी
भांगरभूंय । प्रतिनिधी
शिवोलीः सडयें पंचायत घराचें उक्तावण मुख्यमंत्री डॉ प्रमोद सावंत हाचे हस्तुकीं जालें. ह्या वेळार शिवोलेची आमदार डिलायला लोबो, कळंगुटेचो मायकल लोबो, साळगांवचो आमदार केदार नायक, सरपंच दीपा पेडणेकार, उपसरपंच नीलेश वायंगणकार आसगांवचो सरपंच हनुमंत नायक, पंच वांगडी आनी साबार लोक हाजीर आशिल्ले.
लोकांच्या हिता खातीर सरकारान व्हडा प्रमाणांत येवजण्यो चालीक लायल्यात. मोदी सरकार हीच व्हडली गँरंटी अशें डॉ सावंत हाणे ह्या वेळार सांगलें. ताणे डिलायला लोबो हिच्या वावराची तोखणाय केली. दरेका कामाची ती फाटपुरवण करता देखून शिवोली मतदारसंघातली उदरगतीची चडशीं कामां पुराय जाल्यांत अशे ताणे सांगलें. डिलायला लोबोन सहकार्या खातीर मुख्यमंत्र्यांचे उपकार मानले. फाटल्या पंचवीस वर्सांत जीं कामां जालीं नात ती फाटल्या एक वर्सांत जाल्यांत अशें उपसरपंच नीलेश वायंगणकाारा सांगलें. मोहीत चोपडेकारा सयत हेर कांय जाणांचो मुख्यमंत्र्याचे हस्तुकीं ह्या वेळार भोवमान केलो
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
