भांगरभूंय | प्रतिनिधी
150 लोकांची केली फुकट तपासणी
शिवोले: खंयचोय मनीस जर 100 वर्सां जगता जाल्यार ताची जीण निरोगी आसपाक जाय. हांतरुणार पडून 100 वर्सां जगपांत कांयच अर्थ नासता. ताका लागून दरेकल्यान आपले भलायकेचे लक्ष दिवचें. आपल्या खाणा-जेवणाचेर लक्ष दवरपा वांगडा व्यायमूय करप गरजेचें. लोकांनी फास्टफुडाच्या फाटीं धांव नासतना घरांत केल्लें जेवण खावचें असो उलो आमदार डिलायला लोबो हांणी दिलो.
सडयेंच्या श्री शिवा सांखळेश्वर देवस्थान सभाघरांत फुकट भलायकी शिबिराचें आयोजन केल्लें. जेसीआय म्हापशें, सडयें पंचायत, मायणा यूथ आनी शिवसाखळेश्वर देवस्थानाच्या जोड पालवान ह्या शिबिराचें आयोजन केल्लें. सरपंच दीपा पेडणेंकार, उपसरपंच निलेश वायंगणकार, पंच वांगडी सचीन मांजरेंकार, निशांक कळंगुटकार, ओंकार हरमलकार, शिला शिरोडकार, जेसीआयचे पदाधिकारी, थळावे ग्रामस्थ सदानंद गोवेकार, समाजसेवक मोहीत चोपडेंकार आनी हेर मानेस्त हाजीर आशिल्ले.
डॉक्टर शिल्पा म्हांबरे आनी हेर डॉक्टरांनी दुयेतींची तपासणी केली. ह्या वेळार 150 लोकांची फुकट तपासणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
