भांगरभूंय | प्रतिनिधी
म्हापशें ः शिवोल कोमुनिदाद वेवस्थापन समितीच्या अध्यक्षपदार पुजा मारिया फर्नांडीस हांची निवड जाली.
वर्स २०२५ ते २०२८ ह्या तीन वर्सां खातीर आयतारा २९ डिसेंबराक वेंचणूक जाली. ह्या वेळार अध्यक्षपदार पुजा फर्नांडीस हांची जाल्यार एटर्नी पदार लिओ डायस अनी आरियाना फर्नांडीस हांची भांडारी पदार निवड जाली. आरियन ही सगळ्यांत तरणाटी भागधारक. १९ वर्सां पिरायेचेर ती कोमुनिदाद समितीचेर वेंचून आयली.
उपाध्यक्ष दत्तगुरू गोलतेकार, उपएटर्नी संजय गोलतेकार आनी उप भांडारी शुभदा गोलतेकार हांचीय समितीचेर निवड जाली. सडयें, शिवोले उपसरपंच निलेश वायंगणकार हांच्या फाटबळान ही नवी समितीन वेंचून आयली.
लिओ डायस हांणी, आमी सगळे भागधारक मतदार आनी सडयेंचे नागरीक निलेश वायंगणकार हांचे उपकारी. आमची कोमुनिदाद जमीन हडप करपाचे प्रकारूय मुखार आयल्यात. तशेंच कांय जमनींत वाद आसा. भागधारक आनी संबंधितांक विस्वासांत घेवन हे विशीं आमी चवकशी करतले. हे फाटभूंयेर पंचायत ग्रामसभा घेवन आमी समस्यांचेर चर्चा करतले. कृषी आनी बिगरशेती जमिनीं कडेन संबंदीत प्रस्न कशे सोडोवपाक मेळटले, तशेंच उदरगत कशी करपाक मेळटली, हाचेर निर्णय घेतले अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
