भांगरभूंय | प्रतिनिधी
मुंबयः अर्जुन तेंडुलकाराक निमाणे आयपीएलांत पदार्पण करपाची संद मेळ्ळी. अर्जुनान आयपीएलाच्या 16व्या सिझनात मुंबयच्या वानखेडे स्टेडियमार मुंबय इडियन्स पंगडांतल्यान कोलकाता नायट रायडर्सा आड (केकेआर) आयपीएलांतली आपली पयली मॅच खेळ्ळो. मुंबय इंडियन्साचो कॅप्टन रोहीत शर्मान ताका डेब्यू कॅप दिली. हेच वांगडा सचीन तेंडुलकार आनी अर्जुन तेंडुलकार आयपीएलांत खेळपी बापूय- चल्याची पयली जोडी थारली. सचीन तेंडुलकर आयपीएलांत मुंबय इंडियन्सा वतीन खेळटालो.
2021 वर्सा मुंबय इंडियन्सान अर्जुन तेंडुलकारान 20 लाख रुपयांत विकतो घेतिल्लो. 2022 वर्सा ताका 25 लाख रुपयांनी पंगडात घेतिल्लो. अंदूच्या सिझनांत फाटल्या डिसेंबर म्हयन्यात जाल्ले मिनी पावणेत मुंबय इंडियन्सान ताका रिटेन केल्लो. अर्जुन तेंडुलकर सध्या गोंयां वतीन रणजी सर्तींत खेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
