सगळ्यांत व्हडलो एसी बस स्टँण्ड

भांगरभूंय | प्रतिनिधी

तिरुची (पांजापूर): तमिळनाडूच्या भौशीक येरादारी सुविधांच्या इतिहासीक मार्गदर्शक तत्वांत राज्यांतलो पयलो आनी सगळ्यांत व्हडलो पुराय वातानुकूलित बस स्टँण्ड हालींच तिरुचीच्या पांजापूर शारांत सुरु जाला. त्रिची-मदुराय राष्ट्रीय म्हामार्गा कुशीक आशिल्लो हो एकत्रीत बस टर्मिनसाची मध्य तमिळनाडूंतले प्रवाशी बऱ्याच काळासावन वाट पळयताले.
द्रविड मुनेत्र कळघम (डीएमके) सरकार तयार जाले उपरांत मुख्यमंत्री एम.के. हांचे हस्तुकीं ह्या महत्वाकांक्षी प्रकल्पाचो बुन्याद घाल्ली. 9 मे दिसा डॉ. कलैग्नर करुणानिधी, नगर प्रशासन मंत्री के. एन. नेहरू, जिल्लोधिकारी सरवनन आनी हेर आमदारांच्या हाजीरेंत एकत्रीत बस टर्मिनसाचें उक्तावण जालें. काल सावन हो बस स्टँण्ड सुरु जाला.

40 एकर वाठारांत हो दोन पांवड्याचो टर्मिनस पातळिल्लो आसा. हाका 246 कोटी रुपया खर्च आयलो. तातूंत दर दिसा सुमार 3200 बशी येरादारी करतल्यो. तळमजल्यार आंतर जिल्लो बस सेवा सुरू केल्या, जाल्यार वयल्या माळ्यार सिटी बस सेवा सुरू केल्या.
प्रवाशांच्या सोयी खातीर लिफ्ट आसात, बायलां खातीर 81, दादल्यां खातीर 52, दिव्यांगा खातीर 4 आनी ट्रांसजेंडरां खातीर 2 शौचालयां आसात. हाचे भायर 173 मुतारी, 21 शॉवर रूम, वेवसायीक दुकानां, वेटिंग रूम आनी खाशेले ऑटोरिक्शा स्टँड अशो सुविधाय आसात. मजगतीं, 1972 सावन सुरू आशिल्लो पोरणे सेंट्रल बस स्टॅण्डाचें आतां वेपारी संकुलांत रुपांतर करपाचें काम सुरू आसा.