भांगरभूंय | प्रतिनिधी
नवी दिल्ली, खबरां संस्था ः संवसारांतलो सगळ्यांत चड मोबायल वापरपी देश खंयचो तें तुमी जाणांत? अमेरिका, चीन? ….. न्हय. तो आसा आमचो भारत. अंदूंचे दुसरे तिमाहींत (तीन म्हयन्यांत) भारतांन 70 लाखां परस चड मोबायल गिरायक जोडल्यात. हे वळेरेंत चीन 50 लाख गिरायकां सयत दुसरे सुवातेर जाल्यार 30 लाख गिरायकां सयत अमेरिकेचो तिसरो क्रमांक आसा.
एरिक्सनाच्या अहवाला प्रमाण, भारतांतल्या सवाय इंटरनेट सेवा आनी परिपूर्ण सर्तीक लागून हें गिरायक वाडलां. तेच बरोबर तिमाहीत संवसारभर 5 जी मोबायल वापरप्यांचो आंकडोय 130 कोटी वयर गेलो. अहवाला प्रमाण, अंदूं जून म्हयन्यांत संवसारीक पांवड्यार वट्ट 4 कोटी नवें गिरायक जोडलें. हाचे वांगडाच वट्ट गिरायकांचो आंकडो 830 कोटी मेरेन वाडला. जाल्यार भारतांत तांची संख्या 70 लाखांनी वाडून 112.5 कोटी जाल्या.
देशांत मोबायल वापरप्यांचो आंकडो सतत वाडत आसा. भारतीय दूरसंचार नियामक प्राधिकरणाच्या अहवाला प्रमाण देशभरांतल्या वापरप्यांचो आंकडो जून 2023 वर्सा 3.74 लाखांनी वाडून 114.36 कोटींचेर पावला. अर्थांत कांय जाणां कडेन दोन मोबायल आनी ताचेर 2- 2 मेळून चार सीमकार्डां आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
