भांगरभूंय | प्रतिनिधी
नवी दिल्ली, खबरां संस्था ः नरेंद्र मोदी हे भारताचे दुसरे सगळ्यांत चड काळाचे प्रधानमंत्री थारले. तांणी आदली प्रधानमंत्री इंदिरा गांधीचो 4077 दिसांचो (24 जानेवारी 1966 ते 24 मार्च 1977) विक्रम मोडलो. प्रधानमंत्री मोदी हांणी आयज शेनवारा, 26 तारखेर प्रधानमंत्री म्हणून 4079 दीस पुराय केले.
प्रधानमंत्री म्हणून सेगीत सगळ्यांत चड काळाचो विक्रम पं. जवाहरलाल नेहरू हांच्या नांवार आसा. 15 ऑगस्ट 1947 ते 27 मे 1964 मेरेन तांणी वट्ट 6,126 दीस हे पद सांबाळ्ळें. प्रधानमंत्री मोदी नेहरूच्या विक्रमा परस 2048 दीस फाटीं आसात.
सेगीत तीन लोकसभा वेंचणुको (2014, 2019, 2024) जिखपाचे नदरेन प्रधानमंत्री मोदीन नेहरू हांची बरोबरी केल्या. 2029 वर्साची लोकसभा वेंचणूक जिखून ते प्रधानमंत्री जाले. सेगीत प्रधानमंत्री जावपाचो विक्रमूय सहज मोडूंक शकता.
मोदी सगळ्यांत चड काळ वेंचून आयिल्ले फुडारी
मोदी 2001 ते 2014 मेरेन गुजराताचे मुख्यमंत्री आशिल्ले. उपरांत 26 मे 2014 दिसा ते प्रधानमंत्री जाले. अशे तरेन राज्यांत आनी केंद्रांत (24 वर्सां वयर) वेंचून आयिल्ल्या सरकाराचें फुडारपण करपी ते पयले भारतीय फुडारी.
स्वातंत्र्या उपरांत जल्मल्ले पयले प्रधानमंत्री मोदी. दोन टर्म पुराय करपी ते पयले बिगर काँग्रेसी प्रधानमंत्री आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
