भांगरभूंय | प्रतिनिधी
भांगरभूंय । खबरां मेज
पणजीः वसुधैव कुटुम्बकम ही आमची संस्कृती आसा. सगल्यां मदीं ईश्वरतत्व पळोवन लोकांची सेवा करप होच जिणेचो उद्देश आसपाक जाय. आमी देशा खातीर, धर्मा खातीर काम करपाची सामकी गरज आसा. लोकां मदीं मोग, आपुलकी तयार करपाची गरज आसा. आमी कांयच करपाक शकनात ही विचारसरणी कुशीक उडोवन धर्मा खातीर , देशा खातीर कितें करपाक शकतात हो विचारून आमकां फुडें घेवंन वचपी आसा अशें कुंडय तपोभूमीचे स्वामी ब्रह्मेशानंद हाणी सांगलां.
सुरत- गुजरात हांका हरी कृष्णा एक्स्पोर्ट समूहान आयोजीत केल्ल्या दोन दिसांच्या 2022 वर्साच्या पद्म पुरस्कार फावो जाल्ल्यांच्या स्नेह मीलन कार्यावळींत ते उलयताले. स्वामीचे हस्तुकीं कार्यावळीचे आयोजक सावजी ढोलकिया हाचे हाजेरेंत दिवली पेटोवन कार्यावळीचें उक्तावण केलें. पद्म पुरस्कार फावो जाल्ल्यांनी आपल्या वावराची म्हायती दिवंन आपले अणभव सांगलें.
हे कार्यावळींत भारताचे आदले राष्ट्रपती रामनाथ कोविंद, गुजराताचे राज्यपाल आचार्य देवव्रत ह्या स्नेह मीलन कार्यावळीक हाजीर आशिल्ले. फाटल्या पांच वर्सांच्या राष्ट्रपतीपदाचे कार्यकाळांत ज्यांका पद्म पुरस्कार भेटोवपाची संद म्हाका मेळ्ळी. तांचो स्नेह मेळावो आपूण आयोजीत करतलो. पद्म पुरस्कार जैतिवंतांचें संमेलन दर वर्सा जावपाक जाय अशें रामननाथ कोविंद हांणी ह्या वेळार सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
