भांगरभूंय | प्रतिनिधी
भांगरभूंय । प्रतिनिधी
कुंडयः जे भाशेचेर संस्कार जाल्यात अशी दिव्य गिर्वाण वाणी म्हणल्यार संस्कृत भास, ती जर सगल्यांनी आपणायल्यार ऋशिमुनीचें दायज पुराय जातलें. जांणी हिंदू संस्कृतीचेर अत्याचार केले तांची भाश घेवन जगप हें आमकां भूशण न्हय. ताका लागून संस्कृत शिकात आनी हिंदू संस्कार जपात असो संदेश श्री दत्त पद्मनाभ पिठाधीस्वर ब्रह्मेशानंद स्वामीन दिला.
स्वामी ब्रह्मानंद संस्कृत प्रबोधिनी, गोंय संस्कृत अकादमी, स्वामी ब्रह्मानंद म्हाविद्यालय आनी गोंय सरकाराच्या राजभास संचालनालय हांच्या जोड पालवान कुंडय तपोभूमीच्या तीन दशकपूर्ती निमतान आयोजीत केल्ल्ाय गोंय संस्कृत दर्शन संमेलनांत स्वामी उलयताले. ब्रह्मानंद स्वामीन समाजान योग, संस्कृत अश्या पुरातन शास्त्रां शिकपा खातीर संस्कृत भास शिकचो असो आग्रो धरल्लो. ताणी संस्कृत भास, वेद, योग ह्या पोरण्या विद्यां कडेन आकर्शीत करून हिंदू म्हणून जगपा खातीर समाजाक प्रवृत्त केलें अशें ब्रह्मेशानंद स्वामीन सांगलें
संमेलनाच्या दुसऱ्या सत्रांत डॉ भूषण भावे हांचे नवे शिक्षण प्रणालींत संस्कृत भाशेची सुवात ह्या विशयाचेर व्याख्यान जालें. डॉ शिवगोपाल मित्रा हांणी संस्कृत भाशेंच म्हत्व आनी उपजीविकेचें साधन हे विशीं व्याख्यान दिलें. ते उपरांत सर्व संस्कृत पाठशाळा, स्वामी ब्रह्मानंद म्हाविद्यालय, स्वामी ब्रह्मानंद वैदिक गुरुकूल संशोधन संस्थेच्या विद्यार्थ्यांचें सादरीकरण जालें. ओपा- खांडेपार हागची ब्रम्हानंद संस्कृत पाठशालेक उत्कृश्ट पाठशाला आनी जयंत फातर्पेकार हांणी आदर्श आचार्य पुरस्कारान भोवमानीत केलें. आचार्य सतीश गावडे, ईशा भामयकार हाणी सूत्रसंचालन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
