भांगरभूंय | प्रतिनिधी
अभ्यासू लोकांक तर ही भाशा खूब आवडटा. हे भाशेंत जायत्यो संदी आसात. आमचे म्हान संस्कृतायेचें मूळ हेच भाशेंत आसा, हें आमी विसरूंक फावना.
देवाचो आवाज अशें जे भाशेक मानताले, ती कांय कारणांक लागून फाटीं पडली. तिचे कडेन कोणूच पळयना जाले. आमी आतां नव्या शिक्षणीक धोरणांत आवयभास आनी देशी भाशांक म्हत्व दिलां. संस्कृत ही देशी भास शिकोवपाचें काम मयुरी उल्हास जोशी ही कितलींशीच वर्सां करीत आयलां. पर्वरेच्या विद्याप्रबोधिनींत तें शिकयता. आॅफलायन आनी आॅनलायन लेगीत. हाचो लाव गोंयकारांनी घेवचो म्हूण संस्कृताचेर बरयनशें दिसलें. संस्कृत आमच्या देशाचो सगलो इतिहास आसा, अशें म्हणल्यार थारची ना. आदल्या तेंपार हीच भास लोक उलयताले. पूण ब्रिटीश काळांत इंग्लीश भाशेच चड म्हत्व येत गेलें आनी पोट भरपाची भास म्हूण जायते जाण ती भाशा शिकत गेले. हाचो परिमाण देशी भाशांचेर जायत गेलो. आमच्या गोंयांत कोंकणी, मराठी वादाक लागून इंग्लिशीचें फावलें, अशें म्हणू येता. जोशीन कर्नाटक विद्यापीठाची पदवी, पदव्युत्तर शिक्षण संस्कृतांत घेतलां. संस्कृती भारतीचो तें वावर करता.
तें पर्वरीव विद्याप्रबोधिनींत वर्ग घेता. ह्या आॅनलायन वर्गाचे जायते फायदे आसात. एक म्हळ्यार तुमकां जाय तो वेळ घेवं येता. म्हणल्यार सकाळीं गडबड आसत तर सांजवेळा. तशेंच घरा भायर वचूंक नाका, गाडी धरपाक नाका अशे जायते फायदे आसात. तुमकां सांगलां ते प्रमाण, हे मातयेचो इतिहासाची, संस्कृतीची वळख तुमकां संस्कृताक लागून जाता. आमचीं पुराणां, वेद आनी हेर साहित्य हेच भाशेंत बरयलां. नव्या शिक्षणीक धोरणांत देशी भाशांक म्हत्व दिलां. हाका लागून संस्कृत भाशा गरजेची जाल्या.
भोवतेक शाळांनी हो विशय आसा. ही मागणी वाडत वतली. संस्कृत शिकून तुमी खाजगी, सरकारी नोकरी करपाक शकतात, नाजाल्यार ट्यूशन घेवपाक शकतात. पोरणो इतिहास सोदपाक ही भास उपेगी पडटा. हाका लागून संशोधन करप्यांक ही भाशा उपेगी पडटली. हे खेरीज तुमी अणकार करपाचें थारायलें जाल्यार खूब साहित्य अणकारीत करपाक शकतात. खांडोळें सरकारी म्हाविद्यालयांत अणकाराचो डिप्लोमा कोर्स लेगीत सुरू जाला. ह्याच माशेल आनी खांडोळें हागा संस्कृत शिकपाची केंद्रां आसात. राजेश ठक्कर हें काम पळयतात.
हालींच तुमी केरळ स्टोरी हो सिनेमा पळयला आसतलो. आमचे संस्कृतीचो अभ्यास कितलो म्हत्वाचो आसा, हें ताचे वयल्यान तुमकां कळलांच आसतलें. हरशी लेगीत आमचो इतिहास आमकां कळप म्हत्वाचें. संस्कृतांत जायतीं करियरां आसात. अभ्यासू लोकांक तर ही भाशा खूब आवडटा. हे भाशेंत जायत्यो संदी आसात. आमचे म्हान संस्कृतायेचें मूळ हेच भाशेंत आसा, हें आमी विसरूंक फावना. वेद, उपनिषद, स्तोत्रांचो अभ्यास करपाक फक्त हेच भाशेचो उपेग जाता.
आयटीआयचे पांच दीस
आयटीआयंत हाचे मुखार पांच दीस आसतले. 2024- 25 ह्या वर्सा खातीर जांणी प्रवेश घेवपाचें जाहीर केलां, तांणी 12 सप्टेंबरा पयलीं अर्ज करपाक जाय.
गोंय पुलिसांनी जर एकली बायल आसात, तर तिका सुरक्षीत घरा पावोवपाची वेवस्था करतले. रातच्या 10 ते सकाळीं स मेरेनचो वेळ दिला. 1091 वा 7837018555 ह्या क्रमांकाचेर संपर्क करून कोणूय बायल हे सेवेचो लाव घेवपाक शकता.
गोंयांत दोन नवोदय विद्यालयां आसात. एक उत्तरेक वाळपय, दुसरें दक्षीणेक काणकोणां. ही निवासी पद्दतीची शाळा. तातूंत सीबीएससीचो अभ्यासक्रम आसा. यत्ता सवे सावन हांगां प्रवेश घेवपाक मेळटा. पूण ते खातीर प्रवेश परिक्षा दिवपी पडटा. चड म्हायती खातीर तुमी तांची वेबसायट जरुर पळोवची. www. navodaya.gov.in.
गोंय विद्यापीठान पीएचडी खातीर जे इत्सुक आसात, तांणी 17 सप्टेंबर मेरेन आॅनलायन अर्ज करचो अशें कळयलां.
प्रा रामदास केळकार
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
