भांगरभूंय | प्रतिनिधी
पणजी: नगरनियोजन कायद्याच्या कलम ’३९ ए’ आड आझाद मैदानार सुरू आशिल्ल्या आंदोलनान आतां वेगळें वळण घेतलां. उपोशणाक बशिल्ले आंदोलक आनी थंय जमपी गर्दी लक्षांत घेवन, संसर्ग जावपी दुयेंसांचो प्रसार आडावपा खातीर आंदोलनाचे सुवातेर खर भलायके संबंदी जतनाय घेतल्या. आंदोलकांचे भलायकेची सुरक्षा जपपा खातीर आयोजकांनी वता थंय मार्गदर्शक सुचवण्यांचे तखटे लायल्यात.
मैदानार येवपी समर्थकांक आनी अभ्यांगतांक आंदोलकां कडेन हस्तांदोलन करचें न्हय असो उलो मारलो. संसर्ग आडावपा खातीर ’नो शेकहँड’ आनी ’प्रवेश मर्यादीत’ अशे तरेच्या आशयाचो तखटो लावन गर्दीचेर नियंत्रण मेळोवपाचो यत्न चालूच आसा. पयसुल्ल्यानूच अभिवादन करून आंदोलकांक सहकार्य करचें, जाका लागून तांची भलायकी स्थिर उरतली आनी तांकां आपलो लढो सुरू दवरपाक जाय तशी शक्त मेळटली, अशी मागणी आयोजकांनी केल्या. उपोशणाक लागून आंदोलकांची प्रतिकारशक्त उणी जावपाक शकता, हें वळखून शिस्त आनी नितळसाणेचेर विशेश भर दितात.
मजगतीं, आमदार विरेश बोरकार व्हिलचेअरीवेल्यान ‘अर्थसंकल्प सल्लागार समिती’चे बसके खातीर गोंय विधानसभेंत दाखल जाल्यात. आयज दनपरां नियोजीत आशिल्ल्या मंत्रीमंडळाची बसका सांजेच्या ४ वरांचेर जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
